Уэрэд 112 - ХъыбарыфӀыр. ЩӀэдзапӀэр. Уэрэд ЛъапӀэхэр

112-нэ Уэрэд Зиусхьэныр хьэлэлщ, щӀыхь хуэдвгъэщӀ

Зиусхьэным щӀыхь хуэфщӀ

¹ ЩӀыхь хуэфщӀ Зиусхьэным, Абы хуэӀурыщӀэхэм, Зиусхьэным и цӀэм щӀыхь хуэфщӀ!

² Иджы щегъэжьауэ игъащӀэкӀэ Зиусхьэным и цӀэм щӀыхь хуэфщӀ.

³ Дыгъэ къуэкӀыпӀэм къыщежьэу, къухьэпӀэм нэсу, Зиусхьэным и цӀэм щӀыхь хурещӀ!

⁴ Зиусхьэныр цӀыху лъэпкъ псоми лъагэу ящхьэщытщ; Абы и щӀыхьыр уафэгум ищхьэкӀэ нос.

⁵ Хэт Зиусхьэну ди Тхьэм хуэдэр: Ар лъагэм щыпсэуурэ,

⁶ зыкъеший, щӀыгумрэ уафэгумрэ къеплъыну;

⁷ къыхехыж тхьэмыщкӀэр сабэм, къыхехыж хэутэн ящӀар

⁸ пщыхэм ябгъурегъэтӀысхьэж – зыщыщ лъэпкъым ипщхэм;

⁹ фыз мылъхуэр анэ хъуауэ, сабийм ящыгуфӀыкӀыу, унэм ирегъэтӀысхьэж. Зиусхьэным щӀыхь хуэфщӀ!