Уэрэд 111 - ХъыбарыфӀыр. ЩӀэдзапӀэр. Уэрэд ЛъапӀэхэр

111-нэ Уэрэд Щыпкъагъэ зиӀэ цӀыхум. Тхьэм и нэфӀ зэрыщыхуэр

Зиусхьэным щӀыхь хуэфщӀ

¹ Гъуэгу махуэ теуващ Зиусхьэным щышынэу, Абы и унафэхэм лъэщу щыгуфӀыкӀ цӀыхур.

² Абы къытепщӀыкӀахэр щылъэщынщ щӀыгум; Езым хуэщыпкъэхэм Тхьэм и нэфӀ къащихуэнщ.

³ Абы и унэм мылъкушхуэрэ къулеигъэрэ илъщ, абы и щыпкъагъэр игъащӀэкӀэ щыӀэнщ.

⁴ Нэхунэр кӀыфӀым къащыхуонэху цӀыху захуэхэм; ахэр фӀыщ, гущӀэгъу зиӀэщ, Тхьэм хуэщыпкъэщ ахэр.

⁵ ЦӀыхуфӀщ – гущӀэгъу зыхэлъу, щӀыхуэ зыту, захуагъэкӀэ зи Ӏуэху зезыхьэр;

⁶ ар лъэпэрэпэнкъым игъащӀэкӀэ, ягу илъынщ Тхьэм хуэщыпкъэр игъащӀэкӀэ.

⁷ Игу къеуэн хъыбар къыжраӀэным щышынэркъым; Зиусхьэным щогугъри, игурэ и щхьэрэ зэтелъщ.

⁸ Абы игу зэщыуэркъым, шынэркъым, и бийхэм Тхьэр ятекӀуэну мэгугъэри.

⁹ Абы и мылъкур игуэшащ хьэлэлу, тхьэмыщкӀэхэм яритащ ар, абы щыпкъагъэу Тхьэм хуиӀэр кӀуэдынкъым, Тхьэм абы хуегъэфащэ щӀыхьрэ гуащӀэрэ.

¹⁰ Ар елъагъури, цӀыху бзаджэм игу къоуэ, и дзэр зэригъэшхыу, зелыгъуэж. ЦӀыху бзаджэм къыӀэщӀыхьэнкъым зыщӀэхъуэпсыр.