Уэрэд 110 - ХъыбарыфӀыр. ЩӀэдзапӀэр. Уэрэд ЛъапӀэхэр

110-нэ Уэрэд Тхьэм и Ӏуэху щӀагъуэхэр

Зиусхьэным щӀыхь хуэфщӀ

¹ Тхьэм хуэщыпкъэхэм я зэӀущӀэгъуэм уи щӀыхь пхуэсщӀынщ, Зиусхьэн, сигу псори къыздеӀэу.

² Зиусхьэным и Ӏуэхухэр инщ, ахэр зигу ирихь псори абыхэм яхогупсысыхь.

³ Абы и Ӏуэхур икъукӀэ щытхъу зыпылъщ, дахэщ, игъащӀэкӀэ щыӀэнщ Абы и щыпкъагъэ.

⁴ Абы и Ӏуэху щӀагъуэхэр цӀыхухэм ягу къагъэкӀыж; хьэлэлщ, гущӀэгъущӀщ Зиусхьэныр.

⁵ Шынагъэ хузиӀэхэм Абы ерыскъы къарет; зэгурыӀуэныгъэу къарищӀылӀар игу илъ зэпытщ игъащӀэм.

⁶ И ӀуэхущӀагъэхэм гуащӀэу хэлъыр и цӀыхухэм къаригъэлъэгъуащ Абы, хамэ лъэпкъхэм я щӀыгур къаритурэ.

⁷ Щыпкъэщ Абы и ӀэщӀагъэхэр, захуэщ, пщэрылъ ищӀахэр дзыхьщӀэгъу защӀэщ.

⁸ ИгъащӀэкӀэ къалэн къащищӀащ ахэр цӀыхухэм щыпкъагъэрэ гупцӀэнагъэкӀэ ягъэзэщӀэну.

⁹ Абы и цӀыху лъэпкъыр щхьэхуит ищӀащ; мыкӀуэдыжын зэгурыӀуэныгъэ къарищӀылӀащ. ЛъапӀэщ, шынагъуэщ Абы и цӀэр!

¹⁰ АкъылыфӀагъэм и лъапсэщ Зиусхьэным и шынагъэ уигу илъыныр; Абы и пщэрылъхэр зыгъэзащӀэ псоми я зэхэщӀыкӀ тэрэзщ. Зиусхьэным щӀыхьыр ейщ игъащӀэкӀэ.