Уэрэд 11 - ХъыбарыфӀыр. ЩӀэдзапӀэр. Уэрэд ЛъапӀэхэр

11-нэ Уэрэд ДэӀэпыкъуэгъум хуагъэхьа тхьэлъэӀу

¹ УэрэдыӀуэхэмрэ пшынауэхэмрэ я пашэм папщӀэ. Бзэпсий зэрылъ пшынэкӀэ дежьууэ. Даут и уэрэд

² ЦӀыху бзаджэхэм даӀэщӀэхыж, Зиусхьэн: сыту жыпӀэмэ цӀыхуфӀ къэнэжакъым, щыпкъагъэ къыпхуизыӀэ яхэтыжкъым дунейм и цӀыхухэм.

³ Нэрыбгэ къэс пцӀы зэхуаупсыж; щытхъу нэпцӀ къаӀуатэ я бзэмкӀэ, фэрыщӀыгъэкӀэ мэпсалъэ.

⁴ Зиусхьэным ирегъэувыӀэ щытхъу нэпцӀ жызыӀэ жьэ псори, зыщытхъуж бзэгухэр,

⁵ мыпхуэдэу жызыӀэхэр: «Ди бзэгум хэлъщ ди гуащӀэ, ди лъэкӀыныгъэр – ди жьэр; хэт ди зиусхьэныр?»

⁶ «ТхьэмыщкӀэхэм къину ялъагъум, зыри зимыӀэм я тхьэусыхэм папщӀэ иджы зыкъэсӀэтыжынщ, – жеӀэ Зиусхьэным, – зэрафӀэигъуэм хуэдэу, шынагъуэ ямыӀэу згъэпсэунщ».

⁷ Зиусхьэным и псалъэхэр псалъэ къабзэщ, кӀыщ мафӀэм блэнейрэ щагъэткӀуу щагъэкъэбза дыжьыным хуэдэщ.

⁸ Уэ, Зиусхьэн, къытхуэсакъ, нобэрей цӀыхухэм дащыхъумэ.

⁹ ЦӀыху бзаджэхэр дэнэкӀи щызэхэзокӀуэ – бзаджагъэм и щытхъум цӀыхухэм зыщыхаӀэтыкӀа зэманым.