Уэрэд 109 - ХъыбарыфӀыр. ЩӀэдзапӀэр. Уэрэд ЛъапӀэхэр

109-нэ Уэрэд Мэссихь – Пащтыхьщ икӀи Дин пащэщ

Даут и уэрэд

¹ Си Зиусхьэным къыхуигъэхьауэ мыр Тхьэуэ Зиусхьэным и псалъэщ: «Уи бийхэр лъэгущӀэтын сщӀыху, си ижьырабгъумкӀэ уэ щыс».

² Уи гуащӀэм и дамыгъэ башыр Цион кърыригъэхынщи, Зиусхьэным Уэ къыпхуигъэхьынщ: тепщэныгъэр уи бийхэм яку щыӀыгъ.

³ Уи бийхэм ущезауэ махуэм езыхэм яфӀэигъуэу, уи цӀыхухэр Уэ къыбдеӀэну хьэзырщ. Нэхущым и пэ къихуэу, уэсэпсыр къызэрехым хуэдэу, уи ныбжьыщӀэгъу къыпхуэкӀуэнщ.

⁴ Тхьэуэ Зиусхьэным псалъэ быдэ итащи, щӀегъуэжынкъым: «Мелхиседек хуэдэу, уэри удин пашэнщ игъащӀэкӀэ».

⁵ Тхьэуэ Зиусхьэныр уэ, пащтыхьым, уи ижьырабгъумкӀэ щыӀэщ, Абы и губжьыгъуэ махуэм пащтыхьхэр зэтриукӀэнущ;

⁶ ЦӀыху лъэпкъым хьэкум ятрищӀыхьынущ, щӀым хьэдэр тезыбзэ ищӀынущ, щӀыгу псом пащтыхьхэр щрикъухьынущ.

⁷ Пащтыхьыр гъуэгу тету псыуэ жэм ефэнщ, абы папщӀэ и щхьэр лъагэ ищӀынщ.