Уэрэд 10 - ХъыбарыфӀыр. ЩӀэдзапӀэр. Уэрэд ЛъапӀэхэр

10-нэ Уэрэд Зиусхьэным ущыгугъыныр

УэрэдыӀуэхэмрэ пшынауэхэмрэ я пашэм папщӀэ. Даут и уэрэд

¹ Зиусхьэныр щхьэегъэзыпӀэ зыхуэсщӀащ; сыт щхьэкӀэ къызжефӀэрэ: «Фи къущхьэхэм лъэтэж бзум хуэдэу»?

² Аращ, цӀыху бзаджэхэм я шабзэ къаукъуэдиящ, я шабзэшэ бзэпсым къыдалъхьащ, щыпкъагъэр зигу илъхэм кӀыфӀым хэту еуэн щхьэкӀэ.

³ Хабзэхэр зэхэкъутамэ, щыпкъагъэ зигу илъым ищӀэн лъэкӀынур сыт?

⁴ И унэшхуэ лъапӀэм исщ Зиусхьэныр, Абы и тахътэр уафэгум итщ, Абы и нэхэм ялъагъу; Абы и нэплъэгъухэм дунейм и цӀыхухэр ягъэунэху.

⁵ Зиусхьэным щыпкъагъэ зиӀэмрэ цӀыху бзаджэмрэ егъэунэху, залымыгъэ зылэжьхэр Абы игу техуэркъым.

⁶ МафӀэлыгъэри тхъуэбзащхъуэри, уэшхыр къызэрешхым хуэдэу, Абы цӀыху бзаджэхэм къахуригъэхынущ, узылыгъуэ жьыбгъэ пщтырыр Ӏыхьэу яхуегъэфащэ Зиусхьэным.

⁷ Сыту жыпӀэмэ Зиусхьэныр захуэщ, фӀыщӀагъэхэр и щӀасэщ; щыпкъагъэ зиӀэр Абы и нэӀурытщ.