Уэрэд 1 - ХъыбарыфӀыр. ЩӀэдзапӀэр. Уэрэд ЛъапӀэхэр

1-нэ Уэрэд Тхьэм игу ирихь цӀыхур

Даут и уэрэд

¹ Гъуэгу махуэ теуващ цӀыху бзаджэнаджэхэм емыдаӀуэр, гуэныхьыщӀэхэм я гъуэгу иримыкӀуэр, Тхьэр зыгъэпудхэм я зэӀущӀэ хэмысыр.

² Ар зыгъэгуфӀэр Зиусхьэным и хабзэщ, Абы и хабзэм жэщи махуи йогупсыс ар.

³ ПсыжапӀэм щыхаса жыгым хуэдэщ ар, къыпыкӀэр и пӀалъэм хъууэ, и тхьэмпи мыгъуалэу; сыт хуэдэ Ӏуэху ищӀэми, абы къохъулӀэ.

⁴ ЦӀыху бзаджэхэр абы хуэдэкъым; жьыбгъэм щӀым щызэрихьэ сабэм хуэдэщ ахэр.

⁵ Абы къыхэкӀкӀэ цӀыху бзаджэхэр Тхьэм и хьэкумым хей щыхъунукъым. Тхьэм хуэщыпкъэхэм я зэӀущӀэм увыпӀэ щаӀэнукъым гуэныхьыщӀэхэм.

⁶ Сыту жыпӀэмэ Зиусхьэныр зи гум щыпкъагъэ илъхэм я гъуэгу щыгъуазэщ, ауэ цӀыху бзаджэхэм я гъуэгур кӀуэдыпӀэщ.