1 Мусэ 10 - ХъыбарыфӀыр. ЩӀэдзапӀэр. Уэрэд ЛъапӀэхэр

Нухь къытехъукӀа лъэпкъхэр

¹ Мис Нухь и къуэхэу Щэм, Хъам, Ефэт сымэ къатехъукӀахэм я хъыбар. Псыдзэм и ужькӀэ абыхэм къахуэхъуащ сабийхэр.

² Ефэт и къуэхэр: Гомэр, Магогъ, Мадай, Яуан, Тубал, Мэщэх, Тирас.

³ Гомэр и къуэхэр: Ащкъэназ, Рыфат, Тогъармэ.

⁴ Яуан и къуэхэр: Елишэ, Тарщищ, къит цӀыхухэмрэ Додан цӀыхухэмрэ.

⁵ Ахэр хытӀыгу, хы Ӏуфэ хэгъэгухэм итӀысхьащ, хэти езым и бзэ иӀэжу, и лӀакъуи иӀэжу, и цӀыху лъэпкъи иӀэжу.

⁶ Хъам и къуэхэр: Куш, Мицраим, Пут, КъэнаӀан.

⁷ Куш и къуэхэр: Сэбэ, Хьауилэ, Саутэ, РаӀымэ, Саутэхэ. РаӀымэ и къуэхэр: Шэбэрэ Дэданрэ.

⁸ Куш апхуэдэуи къыхуэхъуащ Нимроди: мыращ япэрейуэ щӀылъэм щылъэщу щытар.

⁹ Ар Зиусхьэным дежкӀэ щакӀуэ лъэщт; абы къыхэкӀыуи жаӀэ: «Нимрод хуэдэу Зиусхьэным дежкӀэ щакӀуэ лъэщщ».

¹⁰ Абы и пащтыхьыгъуэр япэ щӀыкӀэ мыпхуэдэу зэхэтт: Бабилон, Ерэх, Акъад, Халне. Ахэр ШынӀар щӀыналъэм щыӀэщ.

¹¹ А щӀыналъэм ар икӀщ, Ашур щӀыналъэм кӀуэри, иухуащ Нынэуи, Рехьовот-Ир, Къалахъ къалэхэр,

¹² Нинэуимрэ Къалахъ къалэшхуэмрэ я кум дэтщ Рэсэни;

¹³ Мицраим къытехъукӀащ: луд цӀыхухэри, Ӏанам цӀыхухэри, лахэу цӀыхухэри, нафтухъ цӀыхухэри,

¹⁴ патрус цӀыхухэри, фылист цӀыхухэр къызыхэкӀа каслухъ цӀыхухэри, къафтор цӀыхухэри.

¹⁵ КъэнаӀан къытехъукӀащ: абы и щыпэлъху Цыдон, Хет,

¹⁶ еус цӀыхухэр, амор цӀыхухэр, гъыргъаш цӀыхухэр,

¹⁷ хъыу цӀыхухэр, Ӏаркъ цӀыхухэр, син цӀыхухэр,

¹⁸ аруд цӀыхухэр, цэмар цӀыхухэр, хъамат цӀыхухэр. ИужькӀэ КъэнаӀан лӀакъуэхэр зэбгрыкӀащ.

¹⁹ Аращи, КъэнаӀан цӀыхухэм я гъунапкъэхэр нэсырт Цыдон къыщыщӀэдзауэ ГъэраркӀэ хуэкӀуэ Газэ нэс, абы къыщыщӀэдзауэ Содом, Ӏаморэ, Адмэ икӀи Цэбоим яхуэкӀуэу ЛэщаӀ нэс.

²⁰ Ахэр Хъам къытекӀахэрщ, я унагъуэхэмкӀэ, я бзэхэмкӀэ, я щӀыналъэхэмкӀэ, я лъэпкъхэмкӀэ.

²¹ Ефэт и къуэш нэхъыжьу Ӏэбар и къуэ псоми я адэу Щэми сабийхэр къыхуэхъуащ.

²² Щэм и къуэхэр: Ӏэлам, Ашур, Арпакшад, Луд, Арам.

²³ Арам и къуэхэр: Ӏуц, Хъул, Гъэтэр, Маш сымэ.

²⁴ Арпакшад къыхуэхъуащ Щэлахъ, Щэлахъ къыхуэхъуащ Ӏэбэр.

²⁵ Ӏэбар къыхуэхъуащ къуитӀ; зым и цӀэт Пэлэгъ, сыт щхьэкӀэ жыпӀэмэ абы и махуэхэм щыгъуэ щӀыналъэр гуэша хъуати; абы и къуэшым и цӀэт Якътан.

²⁶ Яктан къыхуэхъуащ Алмодад, Щэлеф, Хъацармаот, Ярахъ,

²⁷ Хадорам, Узал, Дикълэ,

²⁸ Ӏобал, Абимаел, Щэбэ,

²⁹ Офыр, Хьауилэ, Иобаб сымэ. Ахэр псори Якътан и къуэщ.

³⁰ Абыхэм я псэупӀахэр Мэщэ къыщыщӀэдзауэ Сэфар къуэкӀыпӀэмкӀэ щыӀэ бгы щӀыналъэм нос.

³¹ Ахэр Щэм и къуэхэрщ, я унагъуэхэмкӀэ, я бзэхэмкӀэ, я щӀыналъэхэмкӀэ, я лъэпкъхэмкӀэ.

³² Ахэращ Нухь и къуэхэм я унагъуэхэр, езыхэр къызытекӀакӀэ, я лъэпкъкӀэ. Псыдзэм и ужькӀэ абыхэм къатехъукӀри лъэпкъхэм зыщаубгъуащ щӀылъэм.