Yosũa 21 - AMASAKO ABOYTRTRE WA NYAMUHANGA AWAKAHULAWA MO BIBLIA

Emĩyĩ yʼAbalawĩ

¹ Neryo abakulu bʼabotata bʼAbalawĩ mobasegera hakũhĩ nʼomũhererĩ Eleazarĩ, na Yosũa mugala wa Nũnĩ nʼoko bakulu bʼabotata bʼebihanda byʼabana ba Ĩsraelĩ.

² Mobabwirirabo eSĩlo omo kihugo kyʼeKanana, bati, Omwami Mukulu mwahana Musa erituha emĩyĩ yʼerĩĩkalamo, haguma nʼobũlĩsĩryo bwayo busana nʼebihangulo byetu.

³ Kandi abana ba Ĩsraelĩ mobaha Abalawĩ emĩyĩ eyĩ haguma nʼobũlĩsĩryo omo myandu yabo, ngʼerihana lyʼOmwami Mukulu.

⁴ Nʼomugereko mwawira ebĩtũnga byʼAbakohatĩ; abana bʼomũhererĩ Harũnĩ, ababya bʼAbalawĩ, mobabana emĩyĩ erĩkũmĩ nʼeyĩsatu omo migereko omo kihanda kya Yũda, nʼomo kihanda kya Benyamĩna.

⁵ Nʼabasĩgalira bʼoko bana ba Kohatĩ mobabana emĩyĩ ĩkũmĩ omo mugereko, omo bĩtũnga byʼekihanda kya Efũraĩmũ, nʼomo kihanda kya Danĩ, nʼomo kihande kyʼekihanda kya Manase.

⁶ Nʼabana ba Gerĩsonĩ mobabana emĩyĩ ĩkũmĩ nʼeyĩsatu omo mugereko omo bĩtũnga byʼekihanda kya Ĩsakarĩ, nʼomo kihanda kya Aserĩ, nʼomo kihanda kya Nafũtalĩ, nʼomo kihande kyʼekihanda kya Manase omo Basanĩ.

⁷ Nʼabana ba Merarĩ ngʼebĩtũnga byabo mobabana emĩyĩ ĩkũmĩ nʼeyĩbĩrĩ omo kihanda kya Rũbenĩ, nʼomo kihanda kya Gadĩ, nʼomo kihanda kya Zebũlonĩ.

⁸ Kandi abana ba Ĩsraelĩ mobaha Abalawĩ emĩyĩ eyĩ omo mugereko haguma nʼobũlĩsĩryo bwa kuyo, ngoko Mwami Mukulu ahana omo buno bwa Musa.

⁹ Kandi mobahabo emĩyĩ eyĩ eyikahulawa hano omo mena, omo kihanda kyʼabana ba Yũda, nʼomo kihanda kyʼabana ba Sĩmeonĩ.

¹⁰ Nayo yabya busana nʼabana ba Harũnĩ, omo bĩtũnga byʼAbakohatĩ, ababya bana bʼAbalawĩ; kusangwa omugereko wʼerĩmbere abya wabo.

¹¹ Kandi mobahabo eKĩrĩatĩ-Arba, Arba oyo abya ĩse wa Anakĩ (eyo ye Hebũronĩ), omo kihugo kyʼebitwa kya Yũda, haguma nʼobũlĩsĩryo bwayo oko mbande syosĩ syago.

¹² Nĩkwa amalima wʼomũyĩ, nʼemikondo yayo, mobahabyo uku Kalebũ mugala wa Yefũne eribya lubibi luwe.

¹³ Kandi mobaha abana bʼomũhererĩ Harũnĩ eHebũronĩ haguma nʼobũlĩsĩryo bwago, go mũyĩ wʼobusayiro busana nʼoyũkĩta omundu, nʼeLĩbũna haguma nʼobũlĩsĩryo bwako,

¹⁴ nʼeYatĩrĩ haguma nʼobũlĩsĩryo bwako, nʼeEstemoa haguma nʼobũlĩsĩryo bwako,

¹⁵ nʼeHolonĩ haguma nʼobũlĩsĩryo bwako, nʼeDebĩrĩ haguma nʼobũlĩsĩryo bwako,

¹⁶ nʼeAĩnĩ haguma nʼobũlĩsĩryo bwako, nʼeYũta haguma nʼobũlĩsĩryo bwako, eBetĩ-semesĩ haguma nʼobũlĩsĩryo bwako; emĩyĩ mwenda omo bihanda bibiri ebyo.

¹⁷ Nʼomo kihanda kya Benyamĩna, eGĩbeonĩ haguma nʼobũlĩsĩryo bwako, eGeba haguma nʼobũlĩsĩryo bwako.

¹⁸ Anatotĩ haguma nʼobũlĩsĩryo bwako, nʼeAlmonĩ haguma nʼobũlĩsĩryo bwako; emĩyĩ ĩnĩ.

¹⁹ Emĩyĩ yosĩ yʼabana ba Harũnĩ, abahererĩ, yabya emĩyĩ ĩkũmĩ nʼeyĩsatu haguma nʼobũlĩsĩryo bwayo.

²⁰ Neryo emĩyĩ yʼekihanda kya Efũraĩmũ moyahabwa oko bĩtũnga byʼabana ba Kohatĩ, Abalawĩ, abasaka oko bana ba Kohatĩ.

²¹ Kandi mobahabo eSekemũ haguma nʼobũlĩsĩryo bwako omo kihugo kyʼebitwa kya Efũraĩmũ, omũyĩ wʼobusayiro busana nʼoyũkĩta omundu, nʼeGezerĩ haguma nʼobũlĩsĩryo bwako,

²² nʼeKĩbũsaĩmũ nʼobũlĩsĩryo bwako, nʼeBetĩ-Horonĩ haguma nʼobũlĩsĩryo bwako; emĩyĩ ĩnĩ.

²³ Nʼomo kihanda kya Danĩ, eElteke haguma nʼobũlĩsĩryo bwako, nʼeGĩbetonĩ nʼobũlĩsĩryo bwako,

²⁴ nʼeAyalonĩ nʼobũlĩsĩryo bwako, nʼeGatĩ-rĩmonĩ nʼobũlĩsĩryo bwako; emĩyĩ ĩnĩ.

²⁵ Nʼomo kihande kyʼekihanda kya Manase, eTanakĩ, nʼobũlĩsĩryo bwako, nʼeGatĩrĩmonĩ nʼobũlĩsĩryo bwako; emĩyĩ ĩbĩrĩ.

²⁶ Emĩyĩ yosĩ busana nʼebĩtũnga byʼabandu basaka oko bana ba Kohatĩ yabya emĩyĩ ĩkũmĩ nʼobũlĩsĩryo bwayo.

²⁷ Oko bana ba Gersonĩ, omuguma gʼoko bĩtũnga byʼAbalawĩ, omo kihande kyʼekihanda kya Manase mobahabo eGolanĩ eBasanĩ nʼobũlĩsĩryo bwako, go mũyĩ wʼobusayiro busana nʼoyũkĩta omundu, nʼeBe-estera nʼobũlĩsĩryo bwako; emĩyĩ ĩbĩrĩ.

²⁸ Nʼomo kihanda kya Ĩsakara, eKĩsĩonĩ nʼobũlĩsĩryo bwako, nʼeDeberatĩ nʼobũlĩsĩryo bwako,

²⁹ nʼeYarmũtĩ nʼobũlĩsĩryo bwako, nʼeEnganĩmũ nʼobũlĩsĩryo bwako; emĩyĩ ĩnĩ.

³⁰ Nʼomo kihanda kya Aserĩ, eMĩsalĩ nʼobũlĩsĩryo bwako nʼeAbdonĩ nʼobũlĩsĩryo bwako,

³¹ nʼeHelkatĩ nʼobũlĩsĩryo bwako, nʼeRehobũ nʼobũlĩsĩryo bwako; emĩyĩ ĩnĩ.

³² Nʼomo kihanda kya Nafũtalĩ, eKedesĩ omo Galĩlaya nʼobũlĩsĩryo bwako, go mũyĩ wʼobusayiro busana nʼoyũkĩta omundu, nʼeHamotĩ-dorĩ nʼobũlĩsĩryo bwako, nʼeKartanĩ nʼobũlĩsĩryo bwako; emĩyĩ ĩsatu.

³³ Emĩyĩ yosi yʼAbagersonĩ ngʼebĩtũnga byabo yabya emĩyĩ ĩkũmĩ nʼĩsatu nʼobũlĩsĩryo bwayo.

³⁴ Nʼoko bĩtũnga byʼabana ba Merarĩ, abasaka oko Balawĩ, omo kihanda kya Zebũlonĩ, eYokĩnamũ nʼobũlĩsĩryo bwako, nʼeKarta nʼobũlĩsĩryo bwako,

³⁵ nʼeDĩmũna nʼobũlĩsĩryo bwako, nʼeNahalalĩ nʼobũlĩsĩryo bwako; emĩyĩ ĩnĩ.

³⁶ Nʼomo kihanda kya Rũbenĩ, eBezerĩ nʼobũlĩsĩryo bwako, nʼeYahaza nʼobũlĩsĩryo bwako,

³⁷ nʼeKedemotĩ nʼobũlĩsĩryo bwako, nʼeMefatĩ nʼobũlĩsĩryo bwako; emĩyĩ ĩnĩ.

³⁸ Nʼomo kihanda kya Gadĩ eRamotĩ omo Gĩleadĩ nʼobũlĩsĩryo bwako, go mũyĩ wʼobusayiro busana nʼoyũkĩta omundu, nʼeMahanaĩmũ nʼobũlĩsĩryo bwako,

³⁹ nʼeHesbonĩ nʼobũlĩsĩryo bwako, nʼeYazerĩ nʼobũlĩsĩryo bwako; eyosĩ emĩyĩ ĩnĩ.

⁴⁰ Emĩyĩ yosĩ eyĩ yabya yʼabana ba Merarĩ ngʼebĩtũnga byabo, abasaka oko bĩtũnga byʼAbalawĩ; nʼomugereko wabo abya wʼemĩyĩ ĩkũmĩ nʼĩbĩrĩ.

⁴¹ Emĩyĩ yosĩ yʼAbalawĩ omo katĩkatĩ kʼesyombibi syʼabana ba Ĩsraelĩ yabya emĩyĩ makũmĩ ani nʼomunani haguma nʼobũlĩsĩryo bwayo.

⁴² Emĩyĩ eyĩ yabya obuli muguma iniane kʼobũlĩsĩryo bwago obũtĩmbĩre kugo. Emĩyĩ yosĩ eyo ko yabya yitya.

⁴³ Neryo Omwami Mukulu mwaha Ĩsraelĩ ekihugo kyosĩ ekyo alahĩrĩraya eriha abotata-kulu wabo; kandi mobasĩgalyakyo mobĩkala mukyo.

⁴⁴ Kandi Omwami Mukulu mwahabo obuluhuke oko mbande syosĩ ngʼebyosĩ ebyo alahĩrĩraya abotata-kulu wabo. Mohatahangana omundu nʼomuguma oko syonzĩgũ syabo syosĩ embere syabo; Omwami Mukulu mwahĩra esyonzĩgũ syabo syosĩ omo byala byabo.

⁴⁵ Mohatabula erilaga nʼeriguma Ĩyowene eryo Mwami Mukulu abũga oko nyũmba ya Ĩsraelĩ; ebyosĩ mobyabererera.