Yobũ 8 - AMASAKO ABOYTRTRE WA NYAMUHANGA AWAKAHULAWA MO BIBLIA

Erĩsũbĩrya lya Bĩldadĩ uku Yobũ

¹ Neryo Bĩldadĩ Omũsũhĩ mwasũbĩrya mwabũga ati,

² Wasyatwĩryahi erĩbũga emyatsi eyĩ kwehĩ? Wasyatwĩryahi ebĩnywa byʼobuno bwawe bikabya ngʼerihunga lĩnene kwehĩ?

³ Ko Nyamuhanga akatalaya erĩbanza litunganene kwehĩ? Kutse Omũtokĩ Wʼebyosĩ akatalaya ekitunganene kwehĩ?

⁴ Abana bawe bamabya babĩrĩmũhalyako, Neryo abĩrĩhĩrabo omo maka wʼamalolo wabo;

⁵ Nawe wamanza erĩsondya Nyamuhanga nʼomũhwa, Nʼerilakira eriganyira lyʼOmũtokĩ Wʼebyosĩ.

⁶ Kumbe Ũlũe mubuya nʼeritunganene; Kwenene lino angabuka busana nawe, Nʼerĩsũbya eritunganana lyawe.

⁷ Kandi nomo erĩtsũka lyawe lyabya lĩke Endũlĩ yawe yasyakanya kutsibu.

⁸ Kusangwa ngakũbũlaya, nyiti, sondaya oko mugulu wa kera, Ũyĩhĩre ukwʼebyo abotata wabo basonda-sondaya

⁹ Kusangwa ĩtwe tuli ba mũlĩgolo, sĩtwasĩkĩ, Kusangwa ebiro byetu muna-kihugo nĩ kyũtsũtsũ;

¹⁰ Sibendisyakũkangĩrĩrya, nʼerikubwira, Nʼerĩbũga ebĩnywa ebĩkalũa omo mitima yabo kwehĩ?

¹¹ Kwʼerĩsesa lyanganalasa ahate byondo kwehĩ? Nʼebitumo-tumo byangatoka erilasa ahate magetsi kwehĩ?

¹² Omugulu bikine bibisi, ĩsĩbyebyatũbwa, Bikuma embere wʼebindi biti.

¹³ Ko siri sitya esyonzira syʼabosĩ abakibirirawa Nyamuhanga; Nʼamaha wʼomundu oyute na Nyamuhanga asyahera.

¹⁴ Amaha wuwe asyatsũtsangika mo hitswe-hitswe, Nʼerĩkĩrĩrya liwe liri ngʼolutatangula lwʼekisengula.

¹⁵ Asyegemera oko nyũmba yiwe, nayo siyendisyahangana. Asyahambirirayo, nĩkwa siyendisyabyaho.

¹⁶ Iye ni mubisi embere syʼeryuba, Nʼamasasa wuwe akalasa omwʼirima liwe.

¹⁷ Emĩrĩhĩ yiwe ibohene omo kilundo kyʼamabwe. Akahamba enyũmba yʼamabwe.

¹⁸ Amalũsĩbwa omo mwanya wuwe. Neryo hasyamugana, hati, Sinditakulolako.

¹⁹ Lebaya, obũ ni butseme bwʼenzira yiwe; Nʼabandi basyalasa bakalũa omo kitaka.

²⁰ Lebaya Nyamuhanga siangagana mundu oyũhĩkene, Kutse siangimira abakola-nabi.

²¹ Asyũsũlya obuno bwawe nʼeriseka, Nʼerĩũsũlya emĩnywa yawe nʼobogo.

²² Abakakũkwa ekĩnĩga basyambala esĩsonĩ; Nʼehema yʼababi siyendisyaswabyaho.