Yobũ 6 - AMASAKO ABOYTRTRE WA NYAMUHANGA AWAKAHULAWA MO BIBLIA

Erĩsũbĩrya lya Yobũ

¹ Neryo Yobũ mwasũbĩrya mwabũga ati,

² Kumbe obũlĩge bwage bwamalengwa, Nʼerĩkwa lyage lĩkahĩrawa oko lulengo!

³ Kusangwa byangalĩtoha kwilaba omusege wʼomo syongetsi. Kyalekĩre ebĩnywa byage ibyabya bya lũba-lũba.

⁴ Kusangwa emisoha yʼOmũtokĩ Wʼebyosĩ iri omwisi wage, Obuti bwayo ekĩrĩmũ kyage kĩkapũlayabo. Erĩũbahya lya Nyamuhanga likayihanda ũkwʼĩngye.

⁵ Epunda yʼomolĩ ikama omugulu iwite ebiti kwehĩ? Kutse enume yʼende ikamira oko kalyo kayo kwehĩ?

⁶ Kwʼekĩtasĩhĩre kikanalibawa butsira mũnyũ kwehĩ? Kutse hali erisiha omo magetsi wʼeriyi kwehĩ?

⁷ Ekĩrĩmũ kyage kikagana erĩtũla kubyo, Biri ngʼakalyo katasĩhĩre kwĩngye.

⁸ Kumbe Nyamuhanga angamba ekindu ekyo Ngabũlaya nʼerimba ekyo ngayĩtsũtsa!

⁹ Kumbe Nyamuhanga angalĩga erinyigogola; Kumbe angalwĩka ebyala biwe, nʼerĩnyĩta!

¹⁰ Nĩkwa lino libye erĩsĩbĩkya lyage, Ega, ngatsema omo magalĩ awatebalaya, Nyiti sinditagana ebĩnywa byʼOyũbũyĩrĩre.

¹¹ Akagala kage ni kahi nyiti ngalinda kwehĩ? Nʼendũlĩ yage ni yahi nyiti ngayitsingirira kwehĩ?

¹² Amaka wage ni maka wʼamabwe kwehĩ? Kutse omubiri wage ni wʼomulinga kwehĩ?

¹³ Sĩ rye rĩwatĩkya ndawite omwisi wage: kwehĩ? Nʼamenge abirihigwa ũkwʼĩngye?

¹⁴ Oyukasonda erirembera atolere erikolwa ndeke na mwĩra wuwe; Akasyaleka eriubaha lyʼOmũtokĩ Wʼebyosĩ.

¹⁵ Abagala betu babiriteba ngʼakũsĩ, Ngʼerigunga lyʼamagetsi omo musya erikuma.

¹⁶ Erĩkĩnĩre busana nʼeritsuku, Aho enzururu ikanyenya.

¹⁷ Omugulu akuma akabulirana; Omugulu hahũhene akahwa omo mwanya wago.

¹⁸ Esyonzira syago sikalaba litya; Sikaya omo mbwarara, nʼeriherera muyo.

¹⁹ Abagendĩ ba Tema mobalangira, Nʼemilondo ya Seba moyalindirirabo.

²⁰ Mobahemulwa kusangwa babya nʼamaha; Mobahĩka eno, mobasweka.

²¹ Kusangwa lino muli busa; Mukalangira erĩũbahĩrĩrya, imukubaha.

²² Monabũga nyiti, Mumbe kwehĩ? Kutse, nyiti, Umba olũsũnzo oko bindu byenyũ kwehĩ?

²³ Kutse, mũnyĩlamaye oko byala byʼenzĩgũ kwehĩ? Kutse mũndongolaye omo byala byʼabanũbya kwehĩ?

²⁴ Mũnyĩkangĩrĩraye, nage ngandihuna; Kandi mũnyĩmĩnyĩsaye aho natalira.

²⁵ Ebĩnywa bitunganene bĩkalĩre biti! Nĩkwa obuhaka bwenyũ bũkasĩngakĩ kwehĩ?

²⁶ Mũkaganĩraya erikunga ebĩnywa kwehĩ? Kusangwa ebĩnywa byʼoyuli omo bũlĩge biri ngʼerihunga.

²⁷ Ega, ĩnywe mwanzĩre erigusa omugereko oko ngũbĩ, Nʼerĩgũlya omwĩra wenyũ.

²⁸ Na lino mũsĩme erinyilolako; Mũlebaye nga ngabiha embere syʼobũsũ bwenyũ.

²⁹ Mũmbaye lino, Sihabye ebitatunganene; Ega, mũmbaye, eritunganene ryage rikineho.

³⁰ Hali ekitatunganene oko lulimi lwage kwehĩ? Erĩgerya lyage siryangaminya myatsi mibi kwehĩ?