Yobũ 36 - AMASAKO ABOYTRTRE WA NYAMUHANGA AWAKAHULAWA MO BIBLIA

Elĩhũ akĩnasũbĩraya Yobũ akamuhandikirira engendo yʼakani

¹ Neryo Elĩhũ mwasubamo ati,

² Ukatandinda katambĩ, nage ngandĩkũkangya; Kusangwa hakine ebĩnywa byʼerĩbũga busana na Nyamuhanga.

³ Ngandĩlũsya amenge wage go hali, Ngandiahula Omũhangĩkĩ wage mo wʼeritunganene.

⁴ Kusangwa kwenene ebĩnywa byage sĩ byʼamabehĩ. Oyũhĩkene omo menge ali haguma nawe.

⁵ Lebaya, Nyamuhanga ni wʼamaka, sialiserebula mundu nʼomuguma, Nĩ mbangĩ omo maka wʼomutima wʼeriminya.

⁶ Sialireka ababi bakakota, Nĩkwa akaha abakagalawa bʼerĩbanza litunganene.

⁷ Akategaya abatunganene, Nĩkwa akaleka ibatabala ngʼabami, Akaleka ĩbahamĩbwa kera na kera.

⁸ Nĩkwa abandu bamabohwa omo mahulula, Ibakagalawa busana nʼebyo bakola.

⁹ Neryo Nyamuhanga akakangayabo ebibi byabo, Nʼeriyiheka lyabo.

¹⁰ Akalĩbũla amatwĩ wabo bowĩsĩbawe, Nʼerihanabo babũnũkale oko bibi.

¹¹ Bamowa Nyamuhanga nʼerimukolera, Basyabuga ebiro byabo omo buholo nʼomũyĩsa.

¹² Nĩkwa bamatĩndĩowa basyahera omo mũyalĩ, Kandi basyahola butsira menge.

¹³ Nĩkwa abatawite Nyamuhanga omo mutima bakabika erihitana, Kandi omugulu bakasuyirawa sibesaba erĩwatĩkĩbwa.

¹⁴ Bakahola omo bũlwana bwabo, Ibakahwa busana nʼemibere yabo yʼesĩsonĩ.

¹⁵ Nyamuhanga akalamaya abʼobũlĩge omo bũlĩge bwabo, Nʼerĩrĩbũla amatwi wabo omo mugulu wʼobunube.

¹⁶ Ega, Nyamuhanga mwakũlũsya omo bũlĩge, Kandi mwaleka iwabya nʼobuholo; Nʼekyo kĩkahĩrawa oko mesa yawe, kyabya kalyo kanene.

¹⁷ Nĩkwa lino ukabana erisuyira erikutolere.

¹⁸ Kusangwa Suleke esigulo ikakuteba, Kandi Suleke ebindu bĩkakũtalya.

¹⁹ Ebindu byawe sĩbyangakũlũsya omo bũlĩge, Kutse amaka wawe sĩangakũwatĩkya.

²⁰ Subye nʼolukando lwʼekiro, Omugulu abandu bakahera aho wabo.

²¹ Ũyĩtegaye, Sukebere ebibi. Obũlĩge bwawe bwatumawa erĩkũteya kubyo.

²² Wibuke, Nyamuhanga akahamĩbawa omo bũtokĩ buwe, Nyamuhanga nĩ mũkangĩrĩrya mukulu oko bosĩ.

²³ Sihali mundu oyo wangabwira Nyamuhanga ekyo angakola. Kutse erimuhandikirira ebibi.

²⁴ Wibuke ngoko utolere eripipa omũbĩrĩ wa Nyamuhanga, Kandi abandu batula bakapipago.

²⁵ Abandu bosĩ babirisamalira ebyo akola, Nĩkwa abandu sibaliminyabyo.

²⁶ Lebaya, Nyamuhanga ni mukulu, netu sĩtũmwasĩ ndeke; Emiganzo yʼemyaka yiwe sirisomboleka.

²⁷ Kusangwa Nyamuhanga yukaheka amatondĩ wʼamagetsi wʼendata, Awakũtũkala mo mbũla.

²⁸ Eyo ebĩtũ bĩkũtũlĩra ahisi Oko bandu ko ndeke.

²⁹ Sihali oyukaminya eriyisanza lyʼebĩtũ, Kutse emĩlũmo eyikalaba omo kyanya.

³⁰ Lebaya, akasanza erĩpalya omo kyanya kyosĩ, Kandi emirindi yʼengetsi ikabya omo mwĩrĩmya.

³¹ Kusangwa akalĩsaya abandu bʼatya, Akabana akalyo kanene.

³² Akahamba erĩpalya omo byala biwe, Akahanalyo erĩhĩka aho walyo.

³³ Omũlũmo walyo akatũla emyatsi yiwe, Esyonde nibya sĩnasĩ ekikasa.