Yobũ 35 - AMASAKO ABOYTRTRE WA NYAMUHANGA AWAKAHULAWA MO BIBLIA

Elĩhũ akinahandikirira Yobũ engendo yʼakasatu

¹ Kandi Elĩhũ mwasũbĩrya mwabũga ati,

² Ũkaganĩraya uti erĩ nĩ rĩbanza lya kwenene kwehĩ? Ũkabũga uti, Eritunganene ryage rĩlabĩre erya Nyamuhanga kwehĩ?

³ Kusangwa ũkabũlaya Nyamuhanga uti, Ebibi byage bikakukolakĩ kwehĩ? Kandi nasyabana ndũndĩkĩ namatindakola ebibi kwehĩ?

⁴ Ngandĩkũsũbĩrya, Nʼabĩra bawe haguma nawe.

⁵ Samalira olubula, ũlũlebaye; Kandi ulangire ebĩtũ, ebiri endata kwilaba we.

⁶ Wamabya wabirikola nabi, Wamakola kyahi ukwʼiye kwehĩ? Nʼerĩhalya lyawe lyamabya ini ringi, bikamukolakĩ kwehĩ?

⁷ Wamabya uli mutunganene, ukamuhakĩ kwehĩ? Kutse akangirirakĩ omo byala byawe kwehĩ?

⁸ Ebibi byawe bĩkagalaya mũlĩkyenyũ, Nʼeritunganene ryawe lĩkawatĩkayabo.

⁹ Busana nʼerĩnũbya lĩnene bakalaka; Bakalaka busana nʼomundu wʼerĩlamyabo.

¹⁰ Nĩkwa sihali oyũkabũga ati, Nyamuhanga Omũhangĩkĩ wage ali hahi? Oyukaha esyonyimbo omo kiro,

¹¹ Oyũkatũkangĩrĩraya kwilaba esyonyama syʼekihugo, Nʼerituyira mo bʼamenge kwilaba esyonyonyũ syʼomo kyanya.

¹² Eyo, bakalaka, nĩkwa Nyamuhanga sĩalĩsũbĩraya, Kusangwa ni bandu babi abakayiheka.

¹³ Kwenene Nyamuhanga sĩendĩsyowa erilaka buyira, Kutse Omũtokĩ Wʼebyosĩ siendisyatsomanalyo.

¹⁴ Yobũ, uti sulitoka erilangira Nyamuhanga, Nĩkwa umulinde, omwatsi wawe ali embere siwe.

¹⁵ Ũkaganĩraya uti Nyamuhanga sialisuyira, Uti sialitsomana ebibi.

¹⁶ Busana nʼekyo Yobũ akakũmbulĩra obuno buwe bo busa; Akakanyĩrĩraya ebĩnywa butsira amenge.