Yobũ 33 - AMASAKO ABOYTRTRE WA NYAMUHANGA AWAKAHULAWA MO BIBLIA

Elĩhũ akakunga Yobũ

¹ Nĩkwa ngakũbũlaya uwe Yobũ nyiti, Uhulikirire erĩbũga lyage, Nʼerihulikirira ebĩnywa byage byosĩ.

² Lebaya lino, nabĩrĩkũmbũla obuno bwage; Olulimi lwage lwabĩrĩbũga omo buno bwage.

³ Ebĩnywa byage bĩkalũa omo ritunganene lyʼomutima wage; Nʼemĩnywa yage ĩkabũga omo kwenene.

⁴ Omũlĩmũ wa Nyamuhanga abirinyihangika, Nʼomuka wʼOmũtokĩ Wʼebyosĩ akamba engebe.

⁵ Unyigane wamatoka; Muyitondeke embere syage, muyihanganire aho.

⁶ Lebaya, ĩngye indi wa Nyamuhanga nga nywe. Nage nibya monabumbwa omwʼibumba.

⁷ Lebaya, erinyubaha siryendisyabũbahya. Kutse erĩkũna lyage sĩryendĩsyabalĩtohera.

⁸ Kwenene wabĩrĩbũgĩra omo matwĩ wage, Nage nabĩrĩowa omulenge wʼebĩnywa byawe, biti,

⁹ Ĩngye nyerĩre, butsira malolo; Sindi ko musango, isindi ko lubanza,

¹⁰ Lebaya, Nyamuhanga akanyibana kwʼemyatsi erinyibambira; Akanyiganza ngʼenzĩgũ yiwe;

¹¹ Akanyiboha omo bisando byage, Akalebaya esyonzira syage syosĩ.

¹² Lebaya, ngakubwira, uwe Yobũ, Ũmwʼekĩ sutunganene; Kusangwa Nyamuhanga ni mukulu kwilaba omundu.

¹³ Busana nakĩ ũkakũbĩsanaya Nyamuhanga yʼobuhaka kwehĩ? Uti sĩalĩsũbĩraya emyatsi yʼerilaka lyʼabandu.

¹⁴ Kusangwa Nyamuhanga akabũga ngendo nguma, Kutse kabiri, sihali mundu oyukatsomana.

¹⁵ Nyamuhanga akabũga omwʼilota, omo nzolĩ omo kiro, Omugulu otũgotserĩ tungi tũkahĩka oko bandu.

¹⁶ Neryo akalĩbũla amatwĩ wʼabandu, Nabo bakubaha erikunga liwe,

¹⁷ Nyamuhanga akabũga nabo batoke erireka ebibi, Akakakĩryabo eriyiheka.

¹⁸ Akakakĩraya ekĩrĩmũ kiwe sikigende omo buhya, Nʼengebe yiwe eritindalaba omo Kũlĩmũ.

¹⁹ Nyamuhanga akakunga omundu iniakatuma endwala, Nʼerĩhĩra obwagalĩ omo mubiri wuwe;

²⁰ Omũkonĩ sĩakwĩre enzala, Nʼomutima wuwe iniagana akalyo kasĩhĩre.

²¹ Omubiri wuwe akahwerekerera; Nʼamakũha wuwe awatelolawako akakangalũma.

²² Omutima wuwe akayĩtũnda oko kyũna, Nʼengebe yiwe ikasegera oko kihugo kyʼabaholĩ.

²³ Hamabya hali mũlaĩka haguma naye erĩmũwatĩkya, Ngʼembũyĩ ni muguma omo maelfu wʼabamalaĩka ba Nyamuhanga, Erĩkangya omundu ekimutolere;

²⁴ Neryo omũlaĩka akamuganyira, ati, Ũmũlamaye siatogere omo buhya, Nabiribana endongolya.

²⁵ Omubiri wuwe atendere kwilaba owʼomwana; Asube oko biro byʼamaka wʼobũlwana buwe.

²⁶ Neryo akasaba Nyamuhanga, naye akamũlĩga, Asyaramya Nyamuhanga nʼobutseme. Nyamuhanga asyaleka emyatsi yiwe ĩyũwana.

²⁷ Asyimbira embere syʼabandu ati, Nabĩrĩhalya, nabiribindula nabi ekyabya kitunganene, Nakyo sikinyitolere.

²⁸ Abĩrĩtongolya ekĩrĩmũ kyage sikigende omo buhya, Nʼengebe yage ikineho.

²⁹ Lebaya, Nyamuhanga akakola emyatsi yosĩ eyĩ. Engendo nyingi,

³⁰ Erĩsũbũlya omutima wuwe erĩlũa omo buhya, Nʼerimuha obutseme bwʼeribyaho.

³¹ Uwe Yobũ, Ũlebaye ndeke, Unyihuli­kirire. Uhune, uleke nyĩbũge.

³² Neryo wamabya nʼekyʼerĩbũga, ũnyĩsũbĩraye. Ũbũge, kusangwa nyanzĩre erikuha erĩbanza.

³³ Bite bitya, Unyihulikirire; ubye bũkũtũ, nage nasyakũkangĩrĩrya amenge.