Yobũ 26 - AMASAKO ABOYTRTRE WA NYAMUHANGA AWAKAHULAWA MO BIBLIA

Erĩsũbĩrya lyʼomunani lya Yobũ

¹ Neryo Yobũ mwasũbĩrya mwabũga, ati,

² Wabĩrĩwatĩkya oyuli molo uti! Wabĩrĩlamya oyutawite akagala uti!

³ Wabirihana oyutawite amenge yʼuti! Wabiribana erilangira ndeke ryʼerĩwatĩkya uti!

⁴ Wabiribwirandi yʼebĩnywa kwehĩ? Nʼekĩrĩmũ kyandi kyabũgawa umʼuwe kwehĩ?

⁵ Ebĩrĩmũ ebyabirigenda bikatitimana Omwisi wʼamagetsi nʼabĩkere mugo.

⁶ Ekũlĩmũ iri ndũmbũ embere sya Nyamuhanga, Na Abadone siawite ekiswikiro.

⁷ Mwasesa elutambi lwʼendata oko mwanya, Kandi mwahanika ekihugo ahate kindu.

⁸ Akasengera magetsi omo bĩtũ biwe; Nʼekĩtũ sikyetulika omwisi wago.

⁹ Akabĩsa omubiri gʼomugoma, Nʼerisanza ekĩtũ kiwe kyo kugo.

¹⁰ Abĩrĩhĩra ekĩrĩngo oko magetsi, Oko mitano yʼekyakakala nʼomwĩrĩmya.

¹¹ Esyondũyĩ syʼekyanya sikatitimana Sikaswekera erikunga liwe.

¹² Akakakĩraya engetsi nʼamaka wuwe, Nʼomo menge wuwe akatsimita Rahabũ.

¹³ Busana nʼomuka wuwe ekyanya kĩkowana; Ebyala biwe byabiritsimita enzoka eyikatibita.

¹⁴ Lebaya, eyĩ ni mitano yʼesyonzira siwe, Kandi tũkowa ekĩnywa kiwe kyo hake! Nĩkwa omũlũmo wʼobũtokĩ buwe nindi wangatoka eriminyago kwehĩ?