Yobũ 13 - AMASAKO ABOYTRTRE WA NYAMUHANGA AWAKAHULAWA MO BIBLIA

Yobũ akahandikirira abĩra buwe ababehĩ

¹ Lebaya, erĩso lyage lyabirilangira ebyosĩ ebĩ, Okũtũ kwage kwabĩrĩowa nʼeriminyakyo.

² Ekyo mwasĩ nage kyo nyĩnasĩ nibya. Sindi muke kwĩnywe.

³ Kwenene ngandĩbũga nʼOmũtokĩ, Nyanzĩre erĩkanĩa haguma na Nyamuhanga.

⁴ Nĩkwa ĩnywe muli batwĩ bʼamabehĩ; Ĩnywe bosĩ muli basakĩ bate nʼendũndĩ.

⁵ Kumbe mwangahuna ndeke! Nʼekyo kyangabya menge wenyũ.

⁶ Mũhũlĩkaye eriyihangalika lyage, Muhulikirire obuhaka bwʼemĩnywa yage.

⁷ Mwasyabũga ebitatunganene busana na Nyamuhanga, Nʼerĩbũga ebyʼamatebo busana naye kwehi?

⁸ Mwasyamũkangya obutaga kwehĩ? Mwasyalwira Nyamuhanga kwehĩ?

⁹ Lyasyowana omugulu asyabalengako kwehĩ? Kutse ngʼoyukateba omundu mwasyamuteba kwehĩ?

¹⁰ Kwenene asyabakunga, Mwamakangya obutaga bo bũbĩso-bĩso

¹¹ Obukulu buwe sĩbwendĩbũbahya, Nʼerĩũbahĩrĩrya liwe eribawako kwehĩ?

¹² Amahano wenyũ nĩ mĩsyo yʼerĩbũ, Nʼahakongotere henyũ ni hakongotere hʼeribumba.

¹³ Muhune, munyireke inaminya erĩbũga; Nʼekyo kyanzĩre erĩmbĩkako kyase.

¹⁴ Busana nakĩ nangahamba omũnyokũ wage omo meno wage kwehĩ? Kandi nʼerĩhĩra engebe yage omo byala byage kwehĩ?

¹⁵ Nomo anganyĩta, ngandĩmũhĩra kwʼamaha. Nĩkwa ngandĩkanĩa esyonzira syage embere siwe.

¹⁶ Ekĩ kyasyabya erilama lyage, Nʼomundu oyutekenga Nyamuhanga sĩendĩsyahĩka embere siwe.

¹⁷ Muhulikirire ndeke erĩbũga lyage, Nʼerĩtũlago lyage libye omo matwĩ wenyũ,

¹⁸ Lebaya lino, nabiritondeka omwatsi wage; Nyĩnasĩ ko nasyasĩngana.

¹⁹ Nindi yo wasyalwa nage kwehĩ? Kusangwa bite bitya nangahuna nʼerirekula.

²⁰ Simunyikole myatsi ĩbĩrĩ misa; Neryo sindiendĩsyayĩbĩsa oko bũsũ bwawe:

²¹ Ũlũsaye ebyala byawe ũkwʼĩngye; Kandi Suleke erĩũbahĩrĩrya lyawe lĩkanyũbahya.

²² Neryo ubirikire nage ngandikwitaba; Kutse uleke nyĩbũge, nawe, ũnyĩsũbĩraye.

²³ Amalolo wage nʼebibi byage ni bingahi kwehĩ? Ũnyĩmĩnyĩsaye amalolo wage nʼebibi byage.

²⁴ Busana nakĩ ũkabĩsa obũsũ bwawe, Ukanyiganza mo nzĩgũ yawe kwehĩ?

²⁵ Wasyaleka ekikoma ekĩkagũlũkĩbawa ĩkyatĩtĩmanĩa kwehĩ? Kutse wasyakwamirira omusunga ũmĩre kwehĩ?

²⁶ Kusangwa ukasaka emyatsi yʼobukalihe yo kwĩngye, Ũkanyĩrĩsaya omwandu wʼebibi byʼobũlwana bwage.

²⁷ Ũkahĩra ebisando byage omo mahulula, Nʼerisamalira esyonzira syage syosĩ; Ũkahĩra Omutano oko bisando byage.

²⁸ Omugulu ngahwerekerera ngʼekindu kĩhondĩre, Ngʼolukimba olwabiriribwa nʼebinyurugunzu.