Yoane 15 - AMASAKO ABOYTRTRE WA NYAMUHANGA AWAKAHULAWA MO BIBLIA

Muhangane tũlũe hano. Yesu nĩ mũlĩkĩ wʼebĩnyũ wʼekwenene

¹ Ĩngye indi mũlĩkĩ-rĩkĩ wʼebĩnyũ wʼekwenene, kandi Tata wage nĩ mũlĩmĩrĩ.

² Obuli mutahi owamatikene nage, owateheta kwʼebĩgũma, akatwago; kandi oko buli mutahi Owakahetaya ebĩgũma, akasara kugo kwʼebĩtawene, Omutahi oyo atoke eriheta kwʼebindi bĩgũma.

³ Mwabiriera busana nʼekĩnywa ekyo nabiribabwira.

⁴ Mumatikane kwĩngye, nage ngandimatikana kwĩnywe. Ngoko Omutahi sialĩhetaya ebĩgũma ĩgowene, amatendimatikana nʼendĩna yʼebĩnyũ, litya nenyũ Simwangatoka erireta endũndĩ uku Nyamuhanga mutamatikene ũkwʼĩngye.

⁵ Ĩngye indi ndĩna yʼebĩnyũ, nenyũ muli mitahi. Oyumatikene nage, nage nyimatikene naye, yo yukayira endũndĩ nene busana na Nyamuhanga. Kusangwa mutamatikene nage Simwangatoka erikolakĩ.

⁶ Omundu amatindamatikana nage, akagusawa eyĩhya ngʼomutahi, iniuma, Emitahi ngʼeyĩ ikakumirawa haguma, iyaguswa omo muliro iyahya.

⁷ Mwamamatikana kwĩngye, nʼebĩnywa byage bĩkĩkala omo mitima yenyũ, mũbũlaye ekĩndũkĩ ekyo mwanzĩre, neryo mwasyakolerwakyo.

⁸ Mwamayira endũndĩ nene, Tata wage akasĩkĩbawa busana nʼekyo, kandi mũkakangaya ko muli biga bage.

⁹ Nabiribanza ngoko Tata abirinyanza. Mwĩkale omo lwanzo lwage.

¹⁰ Mwamakenga ebihano byage, mwasyĩkala omo lwanzo lwage, ngoko nage nabirikenga ebihano bya Tata wage, neryo nyĩkere omo lwanzo luwe.

¹¹ Nabiribabwira emyatsi eyĩ, obutseme bwage bubye omo mitima yenyũ, kandi obutseme bwenyũ bũhĩkane.

¹² Ekihano kyage kiti: mwanzane, ngoko nabiribanza.

¹³ Sihali mundu oyuwite olwanzo lũlengĩre olũ, ati omundu akasiga engebe yiwe busana nʼabĩra buwe.

¹⁴ Nenyũ muli bĩra bage, mwamakola ebyo ngabahana.

¹⁵ Sindibahula kandi mo bagombe kusangwa omugombe sialiminya ebyo mukama wuwe akakola. Nĩkwa ngabahula mo bĩra, kusangwa nabĩrĩbamĩnyĩsya emyatsi yosĩ eyo ngowa uku Tata wage.

¹⁶ Simwetayisoga ngye, nĩkwa nayisoga nywe, kandi nabĩrĩbahĩra eriyatunda endũndĩ, kandi endũndĩ yenyũ iyatoka eribyaho. Neryo Tata asyabaha ekĩndũkĩ ekyo mũkabũlaya omo lĩna lyage.

¹⁷ Neryo ngabahana nyiti, Mwanzane.

Obusu bwʼekihugo

¹⁸ Ekihugo kyamabakwa obusu, muminye ko kyanyĩkwa obusu embere wʼerĩbakwabo.

¹⁹ Nga muli bʼekihugo, kumbe ekihugo kyangabanzĩre ngʼabakyo. Nĩkwa nayisoga nywe omo kihugo kino, kandi Simuli bakyo; kikaleka ekihugo ĩkyabakwa obusu.

²⁰ Mwibuke ekĩnywa ekyo nababwira nyiti, Omugombe sialengĩre omukama wuwe. Bamabya babĩrĩnyendererya, nenyũ basyabendererya nibya; bamabya bakengĩre ekĩnywa kyage, basyakenga nʼekyenyũ nibya.

²¹ Nĩkwa basyabakola emyatsi yosĩ eyĩ kusangwa muli bandu bage, kusangwa sĩbasĩ oyo wanyituma.

²² Kumbe nyitasa nʼerĩbũga nabo, nga sibawite olubanza lwʼebibi, nĩkwa lino sibawite eriyigana ebibi byabo.

²³ Oyũkanyĩkwa obusu, akakwa Tata wage yʼobusu.

²⁴ Kumbe sinditakola emĩbĩrĩ omo katĩkatĩ kabo eyitakolawa nʼogundi mundu, Sibangabya nʼolubanza lwʼebibi; nĩkwa lino babirinyilolako, kandi babĩrĩnyĩkwa obusu, ĩngye na Tata wage nibya.

²⁵ Nĩkwa babirikola ekĩ, ekĩnywa kibererere ekyasakawa omo Migambo yabo, iti, Banyĩkwa obusu butsira ekikaleka.

²⁶ Omugulu Omũwatĩkya asyasa, oyo nasyatuma akalũa ewa Tata, Omũlĩmũ wʼomwatsi wʼekwenene, oyũkalũa uku Tata, akandĩsyatũla omwatsi wage.

²⁷ Nenyũ nibya, mwasyatũla omwatsi wage, kusangwa mwabiribya haguma nage erĩtsũka erĩmbere.