Omũgambũlĩ 11 - AMASAKO ABOYTRTRE WA NYAMUHANGA AWAKAHULAWA MO BIBLIA

Ukole nʼamaha

¹ Uguse obundu bwawe endata oko magetsi, kusangwa wasyeyabo enyũma wʼebiro bingi.

² Ugabire erĩgabo oko balinda, kutse oko munani, kusangwa Sĩwasĩ obubi bwahi obukandisyabya oko kihugo.

³ Ebĩtũ byamũsũla mwʼembũla, bĩkũtũlĩrayo oko kihugo. Nʼomuti amatera akalolaya elutambi lwʼeyĩkwa, kutse elutambi lwʼendata, aho muti akaterera, ho asyabya.

⁴ Oyũkalebaya erihunga siendisyabiba. Nʼoyũkalebaya ebĩtũ siendisyagesa.

⁵ Ngoko ũtasĩ enzira yʼerihunga, kutse ngoko amakũha akalasa omo nda yʼoyuli nʼobukule. Litya Sĩwasĩ omũbĩrĩ wa Nyamuhanga oyukahangika ebindu byosĩ.

⁶ Omo ngyakyangyakya uhere embuto yawe, nʼomwʼĩgolo-golo sĩwĩkale buyira, kusangwa Sĩwasĩ ngʼeribiba lyʼengyakya-ngyakya, kutse lyʼomwʼĩgolo-golo lyasyalasa, kutse ngʼebyosĩ bibiri byasyowana haguma.

⁷ Kwenene ekyakakala kikasiha, kandi erisamalira eryuba ni kindu kĩkatsemesaya ameso.

⁸ Ega, omundu amakota myaka mingi, atsemere muyo eyosĩ. Nĩkwa ibuke ebiro byʼomwĩrĩmya, kusangwa byasyabya bingi. Ebyosĩ ebikasa ni bya busa.

Erihana abalere

⁹ Uwe mũlwana, Utsemere obũlwana bwawe, nʼomutima wawe akũtsemesaye omo biro byʼobũlwana bwawe. Ulendere omo syonzira syʼomutima wawe nʼerisonda lvʼameso wawe. Nĩkwa Uminye busana nʼemyatsi eyĩ yosĩ Nyamuhanga asyakuleta okwʼitswerwa.

¹⁰ Busana nʼekyo ũlũsaye obũlĩge oko mutima wawe, kandi ũlũsaye obubi oko mubiri wawe. Kusangwa obwana nʼamaka wʼengebe ni bya biro bike.