Omũgambũlĩ 10 - AMASAKO ABOYTRTRE WA NYAMUHANGA AWAKAHULAWA MO BIBLIA

Obubuya bwʼAmenge

¹ Esĩsũkĩ esĩholĩre sĩkakũmbaya nabi amagũta wʼomwengĩ. Litya obũkĩrũ buke bukalaba omo bũlĩto bwʼamenge nʼerĩsĩkya.

² Omutima wʼomundu wʼamenge akamusondola erĩmũlolya ahatunganene hʼamali, nĩkwa omutima wʼomũkĩrũ akamũlolaya oko malembe wuwe.

³ Ega nibya, omugulu omũkĩrũ akagenda omo nzira, omutima wuwe akabula amenge, akakangaya abandu bosĩ kwʼali mũkĩrũ.

⁴ Ekĩrĩmũ kyʼomũtabalĩ kyamakuhitanako, Ũsĩke aho wawe, kusangwa obolo bũkabonderaya emyaga minene.

⁵ Hali ekibi ekyo nabirilangira eyĩkwa muna-kihugo, kiri ngʼerĩhabya erikahuluka oko mũtabalĩ.

⁶ Obũkĩrũ bũkahĩrawa endata ahali ehamũlĩ, nʼabandu bʼebindu bĩkere ahayĩkehĩrye.

⁷ Nabirilangira abagombe oko syosabayĩrĩ, nʼabanya-mwami bakalendera oko kitaka ngʼabagombe.

⁸ Oyukatakula obuhya asyatogera mubo. Nʼoyũkahĩmbũla olũhĩmbo, enzoka yasyamuluma.

⁹ Oyukabatsa amabwe asyahutala mugo. Nʼoyũkasataya emiti asyalola oko bwĩko.

¹⁰ Embasa yamatũha, nʼomundu amatĩndatyalya oboya bwayo litolere iniakola nʼamaka kutsibu. Amenge akaleta endũndĩ yʼeritoka.

¹¹ Enzoka yamaluma ite yengengetwa, neryo sihali endũndĩ oko mwengengetĩ.

¹² Ebĩnywa byʼobuno bwʼomundu wʼamenge biwite olukogo, nĩkwa emĩnywa yʼomũkĩrũ yasyamubuga.

¹³ Enzũko yʼebĩnywa byʼobuno buwe nĩ bũkĩrũ, nʼendũlĩ yʼomũkanĩa wuwe nĩ ʼsĩre ribi.

¹⁴ Nĩkwa omũkĩrũ akakanyaya ebĩnywa. Sihali omundu wasĩ kyahi ekikandisyabya. Nindi wangatoka erimubwira ebikandisyabya enyũma kwehĩ?

¹⁵ Omũbĩrĩ wʼabakĩrũ akalũhaya obuli muguma wa kubo, ĩsĩasĩ eriya oko mũyĩ.

¹⁶ Uwe kihugo, obũlĩge kuwe, omugulu omwami wawe ni mwana, nʼabanya-mwami bawe bakalya omo ngyakyangyakya!

¹⁷ Uwe kihugo, uli nʼobutseme, omugulu omwami wawe ni mugala wʼomukulu, nʼabanya-mwami bawe bakalya oko mugulu atolere, babane amaka, butsira omo bũkũndĩrya!

¹⁸ Omo bugata emiti yʼolutwe ikatoba, na busana nʼobugata bwʼebyala enyũmba ĩkalũa.

¹⁹ Abandu bakasumba akalyo busana nʼeritsemerako, nʼebĩnyũ bĩkatsemesaya obuyingo, nʼesyofranka sikaleta emyatsi yosĩ.

²⁰ Kandi sigutsume omwami, ekatĩ kawe, kandi sigutsume owʼebindu, ekatĩ kawe, kusangwa enyonyũ yʼekyanya ikandiheka omulenge, nʼekiwite ebĩpũpa kvasvatũla omwatsi wawe oyo.