Olwimbo lwʼEsyonyimbo 8 - AMASAKO ABOYTRTRE WA NYAMUHANGA AWAKAHULAWA MO BIBLIA

Omũherũkĩ haguma nʼĩba wuwe

¹ Kumbe ũlwe ngʼomugala wetu, Oyo wonga oko mabere wa koyo wage! Omugulu namakweya eyĩhya, nangakulyatsirira. Ega, isihali omundu wanganyipona.

² Kumbe nangakusondola, nʼerĩkũhyatya. Omo nyũmba ya koyo wage, oyo wabya akanyĩkangĩrĩrya; Nangakũnywĩsya ebĩnyũ ebĩsĩhĩre, Ye yĩsande yʼomukomamanga wage.

³ Ebyala biwe byʼamalembe bibye eyĩkwa oko mutwe wage, Nʼebyala biwe byʼamali byanganyiwatako.

⁴ Ĩnywe bali bʼeYerũsalema ngabahana, Sĩmũtũle, kutse erĩbũkya omwanze wage, Erĩhĩka aho asyanza atya.

⁵ Nindi oyukasira omo mbwarara, Iniakegemera oko mwanze wuwe kwehĩ? Monakũbũkya oko ndĩna yʼomuti wʼetofala, Aho koyo wawe abya akakundira busana nawe, Aho akundira nʼerikubuta.

⁶ Ũnyĩhĩre oko mutima wawe ngʼembũka yʼekiminyikalo Ngʼekĩbohĩ oko kuboko kwawe. Kusangwa olwanzo lũkalĩre ngʼoluholo. Obũha bũkalĩre ngʼeKũlĩmũ; Erĩpalya lyabo nĩ ʼpalya lyʼomuliro, Ekirimi kũndũ kyʼOmwami Mukulu.

⁷ Amagetsi mangi siangatoka erĩrĩmya olwanzo, Kutse erigunga lyʼamagetsi siryangatoka erĩsendyalo. Omundu amahĩtya obuteke bosĩ bwʼenyũmba yiwe busana nʼolwanzo, Angaponwa kutsibu.

Omũherũkĩ haguma nʼĩba wuwe

⁸ Tuwite mwali wetu mulere, Naye siawite mabere. Twasyakolakĩ busana nʼomwali wetu Ekiro asyasĩmolĩbwa kwehĩ?

⁹ Amabya ĩnĩ lũhĩmbo, Twasyahĩmba kwiye enyũmba yʼebĩtsĩpa. Amabya ĩnĩ lũyĩ, Twasyamuswika omo bisayi byʼemĩerezĩ.

¹⁰ Ĩngye nabya lũhĩmbo, nʼamabere wage abya asosĩre omusunguliko wʼenyũmba. Neryo monalolwako omo meso wuwe ngʼoyuli nʼobuholo.

¹¹ Solomono abya awite eririma lyʼebĩnyũ eBaalĩ-hamonĩ. Mwahĩra eririma liwe lyʼebĩnyũ oko balĩmĩ. Obuli mundu angaletĩre esyosekelĩ elfu nguma syʼebĩtsĩpa busana nʼebĩgũma byalyo.

¹² Uwe Solomono esyosekelĩ elfu nguma ni syawe, Nʼabakategaya ebĩgũma basyĩmya amagana abiri.

¹³ Uwe wĩkere omo malima, Abalĩkyetu bakahulikirira busana nʼomulenge wawe. Uleke nyowego!

¹⁴ Omwanze wage, Wanguhe, Kandi ubye ngʼengabi kutse ngʼakahaya kʼengabi Oko bitwa byʼobukwa.