Olwimbo lwʼEsyonyimbo 3 - AMASAKO ABOYTRTRE WA NYAMUHANGA AWAKAHULAWA MO BIBLIA

Omũherũkĩ akasonda-sonda omwanze wuwe

¹ Omo kiro oko ngyingo yage Monasonda-sonda oyo mutima wage anzĩre. Monamusonda-sonda nĩkwa monda­mubana.

² Monabũga nyiti, Ngandihangana lino, nʼerĩtĩmba-tĩmba oko mũyĩ. Omo syonzira syago nʼomo syonzira nene-nene Ngandĩsonda-sondya oyo mutima wage anzĩre. Monamusonda-sonda nĩkwa mondamubana.

³ Abateya abakatĩmba-tĩmba oko mũyĩ mobanyibana. Monabũlyabo nyiti, Mwabirilola oko yo mutima wage anzĩre kwehĩ?

⁴ Nabere nabĩsĩgabo akatambĩ kake, Neryo monabana oyo mutima wage anzĩre. Monamuhamba, monagana erĩmũlwĩka, Erĩhĩka aho namuletera omo nyũmba ya koyo wage, Nʼomo kisenge kyʼoyo wanyibuta.

⁵ Ngabahana, ĩnywe bali bʼeYerũsalema, Busana nʼesyongabi, kutse busana nʼesyombaya syʼomolĩ, Sĩmũtũle kutse erĩbũkya omwanze wage, Erĩhĩka aho asyasondera.

Obubuya bwa Solomono

⁶ Nindi oyukasira omo mbwarara kwehĩ? Ngʼesyondũyĩ syʼomũkĩ, Oyukakũmba ndeke omo bukwa nʼamane-mane, Haguma nʼesĩsyano syosĩ syʼomũtũndya.

⁷ Lebaya, ni mukeka wʼolugendo lwa Solomono! Esyombangĩ makũmĩ ndatu batĩmbĩre kuyo, Esyombangĩ syʼeĨsraelĩ.

⁸ Abosĩ abakaheka omũyalĩ, basĩ erilwa. Obuli mundu awite omũyalĩ wuwe oko ndungu yiwe, Erĩyĩteya busana nʼobuba bwʼekiro.

⁹ Omwami Solomono mwayĩkokoterya egalĩ yʼerĩsĩkya Omo bisayi byʼeLebanonĩ.

¹⁰ Mwakokotya esyondũyĩ syayo omo bĩtsĩpa. Nʼendĩna yayo omo syamagetsi, Ekĩtũmbĩ kyayo ni kyʼomunyama, Nʼomo katĩkatĩ kayo ĩhayĩsanzĩre omo lwanzo, Lwʼabali bʼeYerũsalema.

¹¹ Ĩnywe bali ba Sĩonĩ, muhuluke, Mũlebaye omwami Solomono, Nʼakakĩra ako koyo wuwe amwambalaya Oko kiro kyʼerĩherũkya liwe, Nʼoko kiro kyʼobutseme bwʼomutima wuwe.