Malakĩ 4 - AMASAKO ABOYTRTRE WA NYAMUHANGA AWAKAHULAWA MO BIBLIAEkiro kinene kyʼOmwami Mukulu 1 Kusangwa lebaya, ekiro kikasa, kikaka ngʼerirunga; nʼabakayihalamba bosĩ, nʼobuli mũkolĩ wʼebibi, basyabya musunga; nʼekiro ekikasa kyasyahĩsyabo, Omwami Mukulu Wʼemilondo atya, neryo sikyendĩsyasĩyĩrabo mũlĩhĩ kutse mutahi. 2 Nĩkwa ĩnywe mukubaha erĩna lyage, eryuba lyʼeritunganene lyasyabahulukako nʼomulamo omo bĩpũpa byalyo; nenyũ mwasyahuluka mukayitsangura ngʼebyana byʼesyonde omo kibungo. 3 Kandi mwasyalyatangirira ababi ahisi; kusangwa bakandisyabya ngʼerĩbũ omwisi wʼobulyatiro bwʼebisando byenyũ oko kiro ekyo ngategeka, Omwami Mukulu Wʼemilondo atya. 4 Mwibuke emigambo ya Musa omugombe wage, ni mahano nʼebilayiro ebyo namuhana eHorebũ busana na Ĩsraelĩ bosĩ. 5 Lebaya, nasyabatumira omũmĩnyererĩ Elĩa emuliro wʼerĩhĩka lyʼekiro kinene nʼekyʼerĩũbahya kyʼOmwami Mukulu. 6 Naye asyabindulira omutima wʼabotata oko bana babo, nʼemitima yʼabana oko botata wabo; ngasyasa nʼerĩswĩrya ekihugo omo kĩtsũmĩ. |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo