Ĩsaya 64 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisabira erĩhĩka lyʼOmwami Mukulu

¹ Kumbe wamasatya olubula, kumbe wamandagala, nʼebitwa ibyabana erĩsũkana embere syawe.

² Ngʼomuliro kwʼakakaya ekisaka, ngoko muliro akaberaya amagetsi, erĩmĩnyĩsya esyonzĩgũ syawe erĩna lyawe, ebihanda bititimane embere syawe!

³ Omugulu wakola emyatsi yʼerĩswekya eyo tũtayĩtsũlĩre, mowandagala, ebitwa mobyatitimanira embere syawe.

⁴ Kusangwa erĩtsũka na kera abandu sĩbetowa, kutse eriminya omo matwĩ, kutse erĩso siryetalangira ogundi Nyamuhanga butsira we, oyukakolera oyukamulinda.

⁵ Ũkahĩndana nʼoyũtsemĩre omwʼikola ekitunganene, oyukakwibuka omo nzira syawe. Lebaya, wabya uhitene, kusangwa twakola ebibi, motwasiba mubyo mugulu muli, kandi twanasyalamĩbwa kwehĩ?

⁶ Kusangwa ĩtwe bosĩ twabiribya ngʼoyũtũnda-tũndĩre, nʼemĩbĩrĩ yetu yosĩ itunganene iri ngʼolukimba lwĩtĩre nye, kandi ĩtwe bosĩ tukuma ngʼekikoma, nʼebibi byetu, bikatuheka ngʼerihunga.

⁷ Kandi sihali oyukalakira erĩna lyawe, oyukayikuna erikuhamba. Kusangwa wabĩrĩtũbĩsa obũsũ bwawe, wabĩrĩtũhĩra omo maka wʼebibi byetu.

⁸ Nĩkwa lino, Uwe Mwami Mukulu, uwe uli Tata wetu. Tuli eribumba, nawe uli mũbũmbi wetu. Ĩtwe bosĩ tuli mũbĩrĩ wʼebyala byawe.

⁹ Uwe Mwami Mukulu, suhitane kwilaba olulengo, kutse Siwibuke ebibi kera na kera. Lebaya, usamalire, ĩtwe bosĩ tuli bandu bawe.

¹⁰ Emĩyĩ yawe ĩbũyĩrĩre yabiribya mbwarara, eSĩonĩ yabiribya mbwarara, eYerũsalema nĩ kĩma.

¹¹ Enyũmba yetu ĩbũyĩrĩre nʼembuya, aho abotata wetu bakupipira, habĩrĩhĩsĩbwa omo muliro nʼebindu byetu byosĩ byʼobũgũlĩ bunene byabiritsanda.

¹² Uwe Mwami Mukulu, wasyayĩyĩnĩa busana nʼemyatsi eyĩ kwehĩ? Wasyahuna nʼerĩtwagalya kwilaba olulengo kwehĩ?