Ĩsaya 4 - AMASAKO ABOYTRTRE WA NYAMUHANGA AWAKAHULAWA MO BIBLIA

Abasyasĩgalira basyalamĩbwa

¹ Oko kiro ekyo abakalĩ balinda basyahamba omulume muguma bati, Tukandisyalya akalyo ketu, nʼeriambala esyongimba syetu, nĩkwa uleke twahulirawe oko lĩna lyawe. Ũtũlũsaye kwʼesĩsonĩ syetu!

² Oko kiro ekyo Omutahi wʼOmwami Mukulu asyabya mubuya nʼowʼolukengerwa, nʼesyombuto syʼekihugo syasyabya mbuya nʼebyambalo byʼabandu ababala ba Ĩsraelĩ.

³ Neryo oyo wasĩgalira eSĩonĩ, nʼoyo wasĩgala eYerũsalema, asyahulwa mo mũbũyĩrĩre, obuli mundu oyo wasakawa busana nʼengebe eYerũsalema.

⁴ Omugulu Omwami Mukulu amabĩerya obũtsandĩrya bwʼabali bʼeSĩonĩ, kandi amabĩerya omusasi wʼeYerũsalema erĩlũsya gomo, omo kĩrĩmũ kyʼeritswera, nʼomo kĩrĩmũ kyʼerĩhĩsĩrĩrya.

⁵ Neryo Omwami Mukulu asyahangika endata oko kihugo kyosĩ kyʼekitwa kyʼeSĩonĩ, nʼendata oko syondeko siwe, ekĩtũ nʼomũkĩ omugulu wʼomusibo, nʼerĩkolerya lyʼomuliro owakaka omo kiro; kusangwa endata wʼolukengerwa losĩ hasyabambwa ekiswikiro.

⁶ Kandi hasyabya ehema busana nʼekyũtsũtsũ busana nʼekĩhũhanĩ omo musibo, na busana nʼahʼerisagira nʼahʼerĩbĩsama omugulu wʼekiyaga nʼembũla.