Ĩsaya 31 - AMASAKO ABOYTRTRE WA NYAMUHANGA AWAKAHULAWA MO BIBLIA

Omwami Mukulu akalwira Ĩsraelĩ

¹ Obũlĩge ukwʼabo abakandagalira eMĩsĩrĩ erisonda-sondya erĩwatĩkĩbwa, abakayiketera esyosabayĩrĩ, abakayiketera esyogalĩ kusangwa ni nyingi, kandi abakayiketera abakagenda oko syosabayĩrĩ kusangwa ni bʼamaka kutsibu, nĩkwa sĩbehĩra ameso oko Yũbũyĩrĩre wa Ĩsraelĩ, kutse sĩbesonda-sondaya Omwami Mukulu!

² Nĩkwa iye anawite amenge nibya, kandi asyaleta erĩkwa, ĩsĩendĩsyasũbũlva ebĩnywa biwe, nĩkwa asyahangana erilwa nʼekĩtũnga kyʼabakola-nabi, nʼerilwa nʼabo abakawatĩkaya abakakola ebibi.

³ Nĩkwa Abanya Mĩsĩrĩ ni bandu, si Nyamuhanga. Esyosabayĩrĩ syabo ni nyama, sĩ bĩrĩmũ. Neryo Omwami Mukulu asyasumba ebyala biwe, neryo oyũkawatĩkaya asyatwĩkala, nʼoyũkawatĩkĩbawa asyawa, nʼabosĩ basyahwera haguma.

⁴ Kusangwa Omwami Mukulu abirimbwira ati, Ngoko endale nʼekyana kyʼendale sikaruruma busana nʼerihiga, abalĩsya bangi bamabirikirwa erilwa nayo, siyendisyasaga emirenge yabo, kutse sĩrĩsĩsĩra busana nʼolukanda lwabo. Litya Omwami Mukulu wʼemilondo akandisyandagala atya erilwira oko kitwa kyʼeSĩonĩ nʼoko katwa kaho.

⁵ Ngʼesyonyonyũ ko sikaguluka, Omwami Mukulu kwʼasyalembera atya eYerũsalema. Asyateyago nʼerĩlamyago, asyalabaho nʼerĩlamyago.

⁶ Musube oko yo mwahonako kutsibu, ĩnywe bana ba Ĩsraelĩ.

⁷ Kusangwa oko kiro ekyo obuli mundu asyagusa esyosanamu siwe syʼekĩtsĩpa, nʼesyosanamu siwe syʼesyʼamagetsi esyo ebyala byenyũ byahesa busana nʼebibi.

⁸ Omunya Asũrĩa asyawa omo mũyalĩ, owate wʼomundu. Omũyalĩ ate wʼabandu asvamubuga. Neryo Siendisyabala omũyalĩ; nʼabalwana buwe basyabya abakolĩ bʼomũbĩrĩ abakakũnawa.

⁹ Erĩbwe riwe lyasyahwerekerera busana nʼeriubaha, nʼabanya-mwami buwe basyubaha busana nʼebendera, Omwami Mukulu atya. Omuliro wuwe ali eSĩonĩ, erirunga liwe liri eYerũsalema.