Ĩsaya 20 - AMASAKO ABOYTRTRE WA NYAMUHANGA AWAKAHULAWA MO BIBLIAAbaasũrĩa bakahũnga eMĩsĩrĩ nʼeEtĩopĩa 1 Oko mwaka oyo Tartanĩ omũsondolĩ ahĩka eAsdodĩ, omugulu Sargonĩ omwami wʼeAsũrĩa amutuma, iye mwalwa nʼeAsdodĩ, mwahũngago. 2 Oko mugulu oyo, Omwami Mukulu mwabũgĩra umu Ĩsaya mugala wa Amosĩ ati, Ugende, uyambule emiremba omo mbindi yawe, uyambule engendero omo bisando byawe. Naye mwakola atya, mwagenda ndũmbũ nʼebisando biwe busa. 3 Neryo Omwami Mukulu mwabũga ati, Ngoko mugombe wage Ĩsaya abirigenda ndũmbũ nʼebisando busa oko myaka ĩsatu ngʼekiminyikalo nʼekĩmĩnyĩsyo busana nʼeMĩsĩrĩ na busana nʼeEtĩopĩa. 4 Litya omwami wʼeAsũrĩa kwʼasyatwala atya abanyegwa bʼeMĩsĩrĩ, nʼabahigwa bʼeEtĩopĩa, abalere nʼabakulu, abali ndũmbũ nʼebisando busa, nʼamatako awali busa, erihemula eMĩsĩrĩ. 5 Neryo basyabya nʼobũlĩge nʼerihemuka busana nʼeEtĩopĩa amaha wabo, na busana nʼeMĩsĩrĩ eriyihalamba lyabo. 6 Esyondũlanĩ esĩkere oko mũsĩke wʼengetsi basyabũga oko kiro ekyo bati, Lebaya, amaha wetu wayo, eyo twasayira tũwatĩkĩbawe erĩlamĩbwa oko mwami wʼeAsũrĩa. Netu, twasyabala tuti kwehĩ? |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo