Ĩsaya 18 - AMASAKO ABOYTRTRE WA NYAMUHANGA AWAKAHULAWA MO BIBLIA

Eriminyerera busana nʼeEtĩopĩa

¹ Ĩyo-o, ekihugo kyʼerĩpũpa lyʼebĩpũpa, Ekiri eyisirya oko syonyũsĩ syʼeEtĩopĩa;

² Ekikatuma abakwenda omo nzira yʼengetsi, Omo mato wʼemĩfũnzo oko magetsi, Ĩnywe bakwenda bangũhĩre, mugende, Oko bihanda byʼabandu bali-bali nʼabatendere, Oko bandu bakũbahaya, abali hali, Ekihanda kyʼamaka nʼekĩkanũbaya, Ekihugo kyabo kĩgabĩrwe nʼesyonyũsĩ.

³ Ĩnywe esyondũlanĩ syʼekihugo, nʼĩnywe mwĩkere oko kitaka, omugulu ebendera ikasumbawa oko bitwa mwasyalangirayo, nʼomugulu engubi ikabulawa mwasyowayo.

⁴ Kusangwa Omwami Mukulu abirimbwira ati, Nasyalangira, aho nyĩkere bũkũtũ, ngʼamasenge awahenĩrye wʼomwisi, ngʼekĩtũ kyʼekimi omwʼĩhũhana lyʼamagese.

⁵ Kusangwa embere wʼamagese, omugulu omusanga akalagala, nʼomusanga akabya bĩgũma byʼebĩnyũ ebikera, asyatwa emitahi omo kisara, nʼerĩlũsya ebisanza ebikabururuka, nʼerĩtwĩrabyo ahisi.

⁶ Byasyasĩyĩrwa ebihungu byʼebitwa, nʼesyonyama syʼekihugo. Ebihungu bĩkalĩre byasyĩkala kubyo oko mugulu wʼeryuba eriryabyo, nʼesyonyama syʼekihugo esyosĩ syasyĩkala kubyo oko mugulu wʼerigesa.

⁷ Oko mugulu oyo Omwami Mukulu wʼemilondo asyaleterwa olũsũnzo lwʼerimukenga lũkalũa oko bandu bali-bali nʼabatendere, Kĩkalũa oko bandu bakũbahaya ehosĩ ekihanda kyʼamaka nʼekĩkanũbaya, nʼekihugo kyabo kĩgabĩrwe nʼesyonyũsĩ, erĩhĩka oko mwanya wʼerĩna lyʼOmwami Mukulu wʼemilondo, yo kitwa kyʼeSĩonĩ.