Ĩsaya 15 - AMASAKO ABOYTRTRE WA NYAMUHANGA AWAKAHULAWA MO BIBLIA

Eriminyerera busana nʼeMoabũ

¹ Eriminyerera busana nʼeMoabũ. Kwenene omo kiro kiguma Arĩ wʼeMoabũ abiriyirwa mo mulala, nʼerĩherĩbwa, kwenene omo kiro kiguma, Kĩrĩ wʼeMoabũ abiriyirwa mo mulala nʼerĩherĩbwa.

² Babirihetukira oko hekalũ, nʼeDĩbonĩ, nʼoko ahʼeyigulu, eririra. Moabũ akalira busana nʼeNebo, na busana nʼeMedeba. Oko mitwe yosĩ kuli esyombala, nʼobuli nderũ syabĩrĩtũbwa.

³ Omo syonzira syabo bakambala emisarandwe; oko nyitwe syʼamanyũmba wabo, nʼomwʼĩrango lyabo, abosĩ bakayilakira nʼerĩsũsũmana omo mĩsonĩa kutsibu.

⁴ EHesĩbonĩ nʼeEleale bakalaka; omulenge wabo akowĩbawa erĩhĩka eYahazĩ. Neryo abandu abambite ebindu byʼamalwa abʼeMoabũ bakalaka kutsibu. Omutima wuwe akatitimana omwisi wuwe.

⁵ Omutima wage akalaka busana nʼeMoabũ. Abasayĩ buwe bakatibita eZoarĩ nʼeGelatĩ-Selĩsĩya kusangwa bakahetuka obwiruka bwʼeLũhĩtĩ ibanemulira; kwenene omo nzira yʼeHoronaĩmũ bakasumba omulenge wʼekiriro kyʼerihera.

⁶ Kusangwa amagetsi wʼeNĩmũrĩmũ asyabya omo mulala; kusangwa ebiti byabiriuma, nʼomutolobwe akahwa, sihakiri kindu kibisi.

⁷ Neryo ebindu bingi ebyo bayibanira, nʼebyo bayibikira, basyahekerabyo eyisirya wʼolũsĩ lwʼemiti yʼemĩerebĩ.

⁸ Kusangwa emilake yʼobũlĩge yabĩrĩtĩmba oko mitano yʼeMoabũ; ekiriro kyako kĩkahĩka eEglaĩmũ, nʼekiriro kyako kyamahĩka eBeerĩ-elĩmũ.

⁹ Kusangwa amagetsi wʼeDĩmonĩ oswĩre mʼomusasi. Kwenene nasyaleta amalĩge kwilaba aho busana na Dĩmonĩ, endale busana nʼabasayĩ bʼeMoabũ abakatibita, nʼoko bakasĩgalira oko kihugo.