Hosea 5 - AMASAKO ABOYTRTRE WA NYAMUHANGA AWAKAHULAWA MO BIBLIANyamuhanga akakunga obũpambĩ bwa Ĩsraelĩ 1 Ĩnywe bahererĩ, mowe ekĩ, nenyũ ekĩtũnga kya Ĩsraelĩ, muhulikirire, utege okũtũ uwe kĩtũnga kyʼOmwami! Kusangwa olubanza ni lwawe; kusangwa wabiribya kitego eMĩsĩpa, nʼobutimba obũyĩsanzĩre oko Taborĩ. 2 Nʼabandu abakayisamambula babĩrĩkĩma kutsibu omo bibi; nĩkwa ĩngye ngasuyira abosĩ. 3 Nyĩnasĩ Efũraĩmũ, na Ĩsraelĩ sĩalĩbĩsama ũkwʼĩngye kusangwa Uwe lino, Efũraĩmũ, wabirikola obũmalaya, Ĩsraelĩ abĩrĩyĩtsandya. 4 Emĩbĩrĩ yabo siyereka bakabindukira Nyamuhanga wabo; kusangwa ekĩrĩmũ kyʼobũmalaya kiri mubo, sĩbasĩ Omwami Mukulu. 5 Kandi eriyiheka lya Ĩsraelĩ likamuhandikirira oko bũsũ buwe; busana nʼekĩ Ĩsraelĩ na Efũraĩmũ basyatwĩkala omo bubi bwabo; Yũda naye abĩrĩtwĩkala haguma nabo nibya. 6 Basyagenda haguma nʼebĩhyo byabo nʼebihangulo byabo erĩyasondasondya Omwami Mukulu nĩkwa sibendisyamubana; abĩrĩyĩlũsya kubo. 7 Babirikola Omwami Mukulu yo nabi kusangwa babiributa abana basa-na-nyĩnya. Lino omukera muhya-muhya asyamerabo haguma nʼebitaka byabo. 8 Mubuhe engubi eGĩbea, nʼemburura eRama; mutũle endulo ehee eBeti-awenĩ; nʼenyũma ukʼuwe, uwe Benyamĩna. 9 Efũraĩmũ asyabya kĩma oko kiro kyʼerikungwa; omo katĩkatĩ kʼebihanda bya Ĩsraelĩ nabĩrĩmĩnyĩsya ebyʼekwenene. 10 Abakulu ba Ĩsraelĩ babiribya ngʼabandu abakalũsaya emitano; nasyũtũlĩra kubo kwʼerihitana lyage ngʼamagetsi. 11 Efũraĩmũ akanũbĩbawa, abĩrĩhĩmatwa omwʼitswerwa; kusangwa alĩga erikwama amahano wʼabandu. 12 Busana nʼekyo, ĩngye indi kanyurugunzu uku Efũraĩmũ, nʼoko kĩtũnga kya Yũda ngʼerihonda. 13 Omugulu Efũraĩmũ alangira endwala yiwe, na Yũda alangira ekironda kiwe, neryo Efũraĩmũ mwaya eAsũrĩa, mwatumira oko mwami ye Yarebũ; nĩkwa sialitoka erĩbalamya, kutse erĩbalya ekironda kyenyũ. 14 Kusangwa nasyabya uku Efũraĩmũ ngʼendale, nʼoko kĩtũnga kya Yũda nasyabya ngʼomusuko wʼendale; ĩngye, nĩna ngye, nasyatulanga mo bitswe nʼerĩlũaho; nasyahekabo, isihendisyabya mundu oyo wasyalamya. 15 Nasyagenda nʼerisuba aho wage, erĩhĩka aho basyabikulira omusango wabo, nʼerisonda-sonda obũsũ bwage; omo malĩge wabo basyanyĩsonda-sondya nʼomũhwa. |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo