Hosea 3 - AMASAKO ABOYTRTRE WA NYAMUHANGA AWAKAHULAWA MO BIBLIA

Omũsyo wʼerĩhĩkya omũkalĩ wa Hosea

¹ Neryo Omwami Mukulu mwambwira ati, Genda kandi, wanze omũkalĩ oyo wanzĩrwe nʼomwĩra wuwe, nĩkwa nĩ mũtetĩ, ngoko Mwami Mukulu anzĩre abana ba Ĩsraelĩ, nomo babĩndũkĩre erikwama esindi nyamuhanga ĩbanzĩre esyombiga syʼebĩnyũ.

² Neryo monamugula busana nage omo sekelĩ yʼebĩtsĩpa ĩkũmĩ nʼebitanu, nʼehomerĩ nguma nʼembindi yʼekisusu.

³ Neryo monamubwira nyiti, Wasyĩkala haguma nage ebiro binene; Susyebya mũmalaya, kandi Susyebya omũkalĩ wʼogundi mundu; nage nasyabya nyitya ukʼuwe.

⁴ Kusangwa abana ba Ĩsraelĩ basyĩkala biro bingi butsira mwami, kutse mukulu, kutse erihonga amahere, kutse endũyĩ ĩbũyĩrĩre, kutse efodĩ nʼeterafĩmũ.

⁵ Nʼenyũma wʼaho, abana ba Ĩsraelĩ basyasubula nʼerĩsondya Omwami Mukulu Nyamuhanga wabo, na Dawĩdĩ omwami wabo; kandi basyasa oko Mwami Mukulu nʼerititimana, nʼoko bibuya biwe, omo biro byʼenyũma-nyũma.