Hosea 14 - AMASAKO ABOYTRTRE WA NYAMUHANGA AWAKAHULAWA MO BIBLIA

Ĩsraelĩ asube oko Mwami Mukulu

¹ Uwe Ĩsraelĩ, usube oko Mwami Mukulu Nyamuhanga wawe; kusangwa wabiriwa busana nʼebibi byawe.

² Hambana nʼebĩnywa, usube oko Mwami Mukulu; umubwire uti, Ũlũsaye ebibi byosĩ, ũtũkokaye nʼolukogo, litya tutoke erireta ebĩnywa byʼemĩnywa yetu.

³ Asũrĩa sĩendĩsyatũlamya; sitwendisyagendera oko syosabayĩrĩ; kutse sitwendisyaswabwira omũbĩrĩ wʼebyala byetu tuti, uwe nyamuhanga wetu. Kusangwa ukʼuwe Mwami Mukulu, engũbĩ ikabana eriganyira.

⁴ Ngandĩsyalamya erisuba enyũma lyabo, nasyanzabo ndeke; kusangwa erihitana lyage lyabĩrĩlũa kubo.

⁵ Nasyabya ngʼekimi uku Ĩsraelĩ; asyasoya ngʼerĩranga, nʼeribanda emĩrĩhĩ yiwe ngʼeLebanonĩ.

⁶ Emitahi yiwe yasyayisanza, nʼeriyisitika liwe lyasyabya ngʼomuti wʼomũzeĩtũnĩ, nʼerikumba liwe lyowene ngʼeLebanonĩ.

⁷ Abĩkere oko kyũtsũtsũ kiwe; basyaswalya engano, nʼerĩsoya ngʼomũlĩkĩ wʼebĩnyũ; engulu yiwe yowene yasyabya ngʼebĩnyũ byʼeLebanonĩ.

⁸ Uwe Efũraĩmũ ngandiswakolakĩ nʼesyosanamu kwehĩ? Nĩ ngye oyũkasũbĩraya, nʼerikulembera. Nyiri ngʼomuti wʼekĩlagũ kibisi; ebĩgũma byawe bĩkalũa ũkwʼĩngye.

⁹ Omundu oyũ wʼamenge iniatoka eriminya emyatsi eyĩ; nʼoyukaminyerera, aminyeyo. Kusangwa esyonzira syʼOmwami Mukulu situnganene, nʼabatunganene basyalendera musyo; nĩkwa abʼamalolo basyatwĩkala musyo.