Hosea 13 - AMASAKO ABOYTRTRE WA NYAMUHANGA AWAKAHULAWA MO BIBLIA

Esyosanamu ni busa

¹ Omugulu Efũraĩmũ abũga, mohabya erititimana; iye mwayĩhamya omo Ĩsraelĩ; nĩkwa omugulu ahalaya omo Baalĩ, neryo mwahola.

² Na lino bakakanyaya erikola amalolo, kandi babĩrĩyĩkokoterya esyosanamu syʼerĩnũnĩa esyosanamu eriheswa nʼamenge omo bĩtsĩpa byabo, esyosĩ nĩ mũbĩrĩ wʼabanyima; bakabũga busana nasyo bati, Abandu abakahonga amahere balyatsirire oko byana byʼesyonde.

³ Busana nʼekyo basyabya ngʼekĩtũ kyʼomo ngyakya-ngyakya, kandi ngʼekimi ekikuma lũba, ngʼomusunga owakagũlũkĩbawa nʼakanyabungu erĩlũa oko kibuga kyʼerĩhũmbĩramo, kandi ngʼomũkĩ akalũa omo ngero.

⁴ Nĩkwa ĩngye indi Mwami Mukulu Nyamuhanga wawe erĩtsũka oko kihugo kyʼeMĩsĩrĩ; nawe susyeminya ogundi nyamuhanga, nĩna Ngye musa kusangwa sihali gundi mũlamya ate Ĩngye.

⁵ Monakũteya omo mbwarara, omo kihugo kyʼenyota nyingi.

⁶ Ngʼobũlĩsĩryo bwabo, mobũgũta batya; neryo erĩũgũta, omutima wabo mwahamĩbwa; kyaleka ibanyibirirwa.

⁷ Busana nʼekĩ indi kubo ngʼendale; ngʼekisoro ngandĩrĩmbyabo omo nzira;

⁸ nasyahĩndana nabo ngʼedũbũ eyiriasagulawa ebyana byayo, kandi nasyatula ebĩkũba byabo; nʼeyo nasyamerabo ngʼendale yʼobũkalĩ; enyama yʼomolĩ yasyatulabo.

⁹ Uwe Ĩsraelĩ ni ʼhera lyawe, uti ukalwa nage, nindi oyũkandĩkũwatĩkya kwehĩ?

¹⁰ Omwami wawe ali hayi lino, atoke erĩkũlamya omo mĩyĩ yawe yosĩ kwehĩ? Nʼabatswerĩ bawe bali hahi kwehĩ? Abo wahula uti, Unyihe omwami nʼabanyamwami.

¹¹ Nabirikuha omwami omwʼihitana lyage, kandi nabĩrĩmũlũsyaho omwʼigalirwa lyage.

¹² Ebibi bya Benyamĩna byabiribohwa; ebibi biwe bĩbĩkĩre omo mbĩso.

¹³ Amalĩge wʼomũkalĩ oyukakunda asyamũhĩkako; iye ni mugala utawite menge; kusangwa omugulu amahĩka isiatolere erĩyĩrĩndĩrĩrya ahʼeributira abana.

¹⁴ Nasyalamyabo oko maka wʼeKũlĩmũ. Nasyatongolyabo oko luholo; uwe luholo erisuyira lyawe riri hayi kwehĩ? Uwe Kũlĩmũ, eritsimita lyawe lirihi kwehĩ? Eriganyira lyasyabĩswa oko meso wage.

¹⁵ Nomo angagasa kutsibu omo katĩkatĩ kʼabagala babo, erihunga lyʼendata lyasyasa, erihunga lyʼOmwami Mukulu lĩkalũa embwarara; nʼengũnũnũko yiwe yasyuma, nʼekitehero kiwe kyasyuma. Asyahũnga obuteke bwʼebindu byosĩ bibuya.

¹⁶ ESamarĩa yasyaheka omusango wako; kusangwa abirihona uku Nyamuhanga wuwe; basyawa omo mũyalĩ; abana babo basyaguswa mo bitswe, nʼabakalĩ babo abakule, basyatulwa.