Ezera 2 - AMASAKO ABOYTRTRE WA NYAMUHANGA AWAKAHULAWA MO BIBLIA

Emiganzo yʼAbayũda abasuba eYerũsalema

¹ Aba ba bana bʼekihugo abalũa oko bunyegwa bwabo abahũngawa, abo Nebũkadeneza omwami wʼeBabelĩ aheka omo bunyegwa eBabelĩ, abasuba eYerũsalema nʼeYũda, obuli mundu oko mũyĩ wuwe.

² Aba mobasa haguma na Zerũbabelĩ, Yesũa, na Nehemĩa, na Seraya, na Relaya, na Mordekayĩ, na Bĩlsanĩ, na Mĩsĩparĩ, na Bĩgĩvaĩ, na Rehũmĩ, na Baana. Emiganzo yʼabandu bʼekihanda kya Ĩsraelĩ;

³ abana ba Parosĩ, elfu ĩbĩrĩ nʼerĩgana nʼamakũmĩ alinda nʼababiri (2,172).

⁴ Abana ba Sefatĩa, amagana asatu nʼamakũmĩ alinda nʼababiri (372).

⁵ Abana ba Ara amagana alinda nʼamakũmĩ alinda nʼabatanu (775).

⁶ Nʼabana ba Pahatĩ-moabũ, ba bana ba Yesũa na Yoabũ, elfu ĩbĩrĩ nʼamagana munani nʼerĩkũmĩ nʼababiri (2,812).

⁷ Abana ba Elamũ elfu nguma nʼamagana abiri nʼamakũmĩ atanu nʼabani (1,254).

⁸ Abana ba Zatũ, amagana mwenda nʼamakũmĩ ani nʼabatanu (945).

⁹ Abana ba Zakaĩ, amagana alinda nʼamakũmĩ ndatu (760).

¹⁰ Abana ba Banĩ, amagana ndatu nʼamakũmĩ ani nʼababiri (642).

¹¹ Nʼabana ba Bebaĩ, amagana ndatu nʼamakũmĩ abiri nʼabasatu (623).

¹² Abana ba Azagadĩ, elfu nguma nʼamagana abiri nʼamakũmĩ abiri nʼababiri (1,222).

¹³ Abana ba Adonĩkamũ, amagana ndatu nʼamakũmĩ ndatu nʼendatu (666).

¹⁴ Nʼabana ba Bĩgĩvaĩ, elfu ĩbĩrĩ nʼamakũmĩ atanu nʼendatu (2,056).

¹⁵ Nʼabana ba Adĩnĩ, amagana ani nʼamakũmĩ atanu nʼabani (454).

¹⁶ Nʼabana ba Aterĩ, aba Hezekĩa, amakũmĩ mwenda nʼomunani (98).

¹⁷ Nʼabana ba Bezaĩ, amagana asatu nʼamakũmĩ abiri nʼabasatu (323).

¹⁸ Nʼabana ba Yora erĩgana nʼerĩkũmĩ nʼababiri (112).

¹⁹ Abana ba Hasũmĩ, amagana abiri nʼamakũmĩ abiri nʼabasatu (223).

²⁰ Abana ba Gĩbarĩ, amakũmĩ mwenda nʼabatanu (95).

²¹ Abana ba Betelehemũ, erĩgana nʼamakũmĩ abiri nʼabasatu (123).

²² Abandu ba Netofa, amakũmĩ atanu nʼendatu (56).

²³ Nʼabandu ba Anatotĩ, erĩgana nʼamakũmĩ abiri nʼomunani (128).

²⁴ Nʼabana ba Azamavetĩ, amakũmĩ ani nʼababiri (42).

²⁵ Nʼabana ba Kĩrĩatĩ-arĩmũ, Kefĩra, na Beerotĩ, amagana alinda nʼamakũmĩ ani nʼabasatu (743).

²⁶ Abana ba Rama na Geba, amagana ndatu nʼamakũmĩ abiri nʼomuguma (621).

²⁷ Abandu ba Mĩkĩmasĩ, erĩgana nʼamakũmĩ abiri nʼababiri (122).

²⁸ Abandu bʼeBetelĩ nʼeAĩ, amagana abiri nʼamakũmĩ abiri nʼabasatu (223).

²⁹ Nʼabana bʼeNebo, amakũmĩ atanu nʼababiri (52).

³⁰ Nʼabana bʼeMagĩbĩsĩ, erĩgana nʼamakũmĩ atanu nʼendatu (156).

³¹ Nʼabana ba Elamũ yʼakabiri, elfu nguma nʼamagana abiri nʼamakũmĩ atanu nʼabani (1,254).

³² Nʼabana bʼeHarĩmũ, amagana asatu nʼamakũmĩ abiri (320).

³³ Nʼabana ba Lodĩ, na Hadĩdĩ, na Ono, amagana alinda nʼamakũmĩ abiri nʼabatanu (725).

³⁴ Abana bʼeYerĩko, amagana asatu nʼamakũmĩ ani nʼabatanu (345).

³⁵ Nʼabana ba Senaa, elfu ĩsatu nʼamagana ndatu nʼamakũmĩ asatu (3,630).

³⁶ Nʼabahererĩ: abana ba Yedaya, abʼekĩtũnga kya Yesũa, amagana mwenda nʼamakũmĩ alinda nʼabasatu (973).

³⁷ Abana ba Ĩmerĩ, elfu nguma nʼamakũmĩ atanu nʼababiri (1,052).

³⁸ Abana ba Pasũrĩ, elfu nguma nʼamagana abiri nʼamakũmĩ ani nʼabalinda (1,247).

³⁹ Abana ba Harĩmũ, elfu nguma nʼerĩkũmĩ nʼabalinda (1,017).

⁴⁰ Oko Balawĩ: abana ba Yesũa na Kadĩmĩelĩ, ba bana ba Hodavĩa, amakũmĩ alinda nʼabani (74).

⁴¹ Abĩmbĩ: abana ba Asafũ, erĩgana nʼamakũmĩ abiri nʼomunani (128).

⁴² Nʼabana bʼabateya bʼesyongyo: abana ba Salumu, abana ba Aterĩ, abana ba Talmonĩ, abana ba Akũbũ, abana ba Hatĩta, abana ba Sobaĩ; abosĩ haguma erĩgana nʼamakũmĩ asatu nʼomwenda (139).

⁴³ Oko Banetĩnĩmũ: abana ba Zĩha, abana ba Hasũfa, abana ba Taotĩ,

⁴⁴ abana ba Kerosĩ, abana ba Sĩaha, abana ba Padonĩ,

⁴⁵ abana ba Labana, abana ba Hagabatĩ, abana ba Akũbũ,

⁴⁶ abana ba Hagabĩ, abana ba Samalaĩ, abana ba Hananĩ,

⁴⁷ abana ba Gĩdelĩ, abana ba Gaharĩ, abana ba Reaya,

⁴⁸ abana ba Rezĩna, abana ba Nekoda, abana ba Gazamũ,

⁴⁹ abana ba Ũza, abana ba Pasea, abana ba Besaĩ,

⁵⁰ abana ba Asĩna, abana ba Meũnĩmũ, abana ba Nefĩsĩmũ,

⁵¹ abana ba Bakũbũkĩ, abana ba Hakũfa, abana ba Harĩhũrĩ,

⁵² abana ba Bazĩlũtĩ, abana ba Mehĩda, abana ba Haresa,

⁵³ abana ba Barekosĩ, abana ba Sĩsera, abana ba Tema,

⁵⁴ abana ba Nezĩa, abana ba Hatĩfa.

⁵⁵ Abana bʼabagombe ba Solomono: abana ba Sotaĩ, abana ba Hasoferetĩ, abana ba Perũda,

⁵⁶ abana ba Yala, abana ba Darĩkonĩ, abana ba Gĩdelĩ,

⁵⁷ abana ba Sefatĩa, abana ba Hatĩlĩ, abana ba Pokeretĩ-hazebaĩmũ, abana ba Amĩ.

⁵⁸ Abanetĩnĩmũ bosĩ nʼabana bʼabagombe ba Solomono, babya magana asatu nʼamakũmĩ mwenda nʼababiri (392).

⁵⁹ Aba bo bahetuka erĩlũa eTelĩ-mela, nʼeTelĩ-haresa, nʼeKerũbĩ, nʼeAdanĩ, nʼeĨmerĩ; nĩkwa mobatatoka erĩkangya ebĩtũnga byʼabotata wabo, nʼabana babo, nga babya Baĩsraelĩ.

⁶⁰ Abana ba Delaya, abana ba Tobĩa, abana ba Nekoda, amagana ndatu nʼamakũmĩ atanu nʼababiri (652).

⁶¹ Nʼoko bana bʼabahererĩ abana ba Habaya, abana ba Hakozĩ, abana ba Barĩzĩlaĩ, oyo watahaya oko bali ba Barĩzĩlaĩ Omũgĩleadĩ, kandi mwahulwa omo lĩna lyabo.

⁶² Aba mobasondya amena wabo omo baganzawa oko botata wabo, nĩkwa mobatabanika. Busana nʼekyo mobaganzwa nga sibatolere, mobahigwa oko bũhererĩ.

⁶³ Nʼomũtabalĩ mwabwirabo ati sibalye oko bindu ebĩbũyĩrĩre kutsibu, erĩhĩkĩra aho mũhererĩ asyahangana oyuli na Ũrĩmũ na Tũmĩmũ.

⁶⁴ Endeko yosĩ eyo haguma babya elfu makũmĩ ani nʼĩbĩrĩ nʼamagana asatu nʼamakũmĩ ndatu (42,360),

⁶⁵ abagombe bʼobulume nʼabagombe bʼobũkalĩ bateko, nabo babya elfu irinda nʼamagana asatu nʼamakũmĩ asatu nʼabalinda (7,337); kandi babya nʼabĩmbĩ bʼobulume nʼabĩmbĩ bʼobũkalĩ amagana abiri (200).

⁶⁶ Nʼesyosabayĩrĩ syabo syabya magana alinda nʼamakũmĩ asatu nʼendatu (736); nʼesyonyumbu syabo syabya magana abiri nʼamakũmĩ ani nʼesĩtanu (245).

⁶⁷ Esyongamia syabo amagana ani nʼamakũmĩ asatu nʼesĩtanu (435), nʼesyopunda syabo, elfu ndatu nʼamagana alinda nʼamakũmĩ abiri (6,720).

⁶⁸ Nʼabandi bʼabakulu bʼebĩtũnga byʼabotata, omugulu bahĩka oko nyũmba yʼOmwami Mukulu eyiri eYerũsalema mobaha ebindu nʼomutima gosĩ busana nʼenyũmba ya Nyamuhanga erĩhanganĩayo oko kibanza kyayo.

⁶⁹ Mobahĩtya ngoko bakatoka omo mbĩso yʼomũbĩrĩ esyodarĩko syʼesyamagetsi elfu amakũmĩ ndatu nʼenguma (61,000), nʼamane yʼebĩtsĩpa elfu ĩtanu (5,000), nʼemyenda yʼabahererĩ erĩgana (100).

⁷⁰ Neryo abahererĩ nʼAbalawĩ, nʼabandi bandu, nʼabĩmbĩ, nʼabateya bʼesyongyo, nʼabagombe bʼehekalũ, mobĩkala omo mĩyĩ yabo, nʼAbaĩsraelĩ bosĩ omo mĩyĩ yabo.