Ezekĩelĩ 41 - AMASAKO ABOYTRTRE WA NYAMUHANGA AWAKAHULAWA MO BIBLIA

Erirengwa lyʼeHekalũ

¹ Neryo mwanyireta oko kyumba kyʼomwisi mwalenga esyondũyĩ syʼelutambi; obugali bwasyo ini metere 4 oko luhande luguma, obugali bwʼemetere 4, oko lundi luhande.

² Nʼobugali bwʼahʼeriingirira bwabya metere 6; nʼemĩsĩke yʼahʼeriingirira yabya metere 3 oko mũsĩke muguma, nʼemetere 3 oko gundi mũsĩke. Neryo mwalenga obuli bwʼomwanya ini metere 21, nʼobugali ini metere 11.

³ Neryo mwaya omwisi wʼeHekalũ mwalenga obuli ndũyĩ yʼelutambi yʼolũkyo, ini metere 2, nʼolũkyo, ini metere 4 endata, nʼobugali bʼolũkyo ini metere 4.

⁴ Kandi mwalenga obuli bwalo ini metere 11, nʼobugali bwalo ini metere 11, embere wʼekyumba kyʼomwisi wʼeHekalũ, neryo mwambwira ati, Hano ho habũyĩ rĩ re kutsibu.

⁵ Neryo mwalenga olũ hĩ mbo lwʼeHekalũ, ini metere 4; nʼobugali bwʼobuli kyumba kyʼemũsĩke, metere 3, erĩtĩmba oko nyũmba oko mbande syosĩ.

⁶ Nʼebyumba byʼemũsĩke byabya manyũmba asatu erĩ lolya endata ekiguma endata oko kindi, byabya makũmĩ asatu omo buli nyũmba. Nʼebyumba mobyahĩ ka oko lũhĩmbo omo luhande lwʼomwisi lwʼenyũ mba oko mbande syosĩ ibyatoka erihambana namo, ibitahambana nʼolũ hĩ mbo lwʼeHekalũ.

⁷ Nʼebyumba byʼemũsĩke ĩbĩtĩmbĩre oko Hekalũ, byabya nʼobugali bukalaba omo buli nyũmba endata oko yindi. Kusangwa enyũmba eyĩtĩmbĩre oko Hekalũ moyalolya endata nguma-guma erĩtĩmba oko Hekalũ eyo. Busana nʼekyo, obugali bwʼeHekalũ mobwakanya omugulu yikahetuka endata. Neryo oyukahetuka erĩlolya endata erĩtsũka oko kyumba kyʼeyĩkwa erĩhĩka oko kyumba kyʼendata inialaba omo nzira yʼenyũmba yʼakabiri.

⁸ Monalangira nibya ngoko enyũmba yabya nʼekibanza ekĩyĩsũmbĩre erĩtĩmba ehosĩ, nʼebibanza byʼebyumba byʼemũsĩke byabya metere 4 erĩlolya endata.

⁹ Nʼobunene bwʼolũhĩmbo lwʼeyĩhya olwabya busana nʼebyumba byʼemũsĩke, bwabya bwa metere 3. Nĩkwa habya omwanya buyira omo katĩkatĩ kʼebyumba byʼemũsĩke ebyʼeHekalũ nʼebyumba byʼeyĩhya.

¹⁰ Abya nʼobugali bwa metere 11 erĩtĩmba oko Hekalũ oko mbande syosĩ.

¹¹ Nʼesyongyo syʼebyumba byʼemũsĩke ebĩlolĩrye oko mwanya musa, byabya nʼolũkyo luguma ĩlũlolĩrye oko luhande lwʼelutambi lwʼendata, nʼolundi lũyĩ ĩlũlolĩrye elundi lutambi lwʼeyĩkwa. Nʼobugali bwʼomwanya musa bwabya metere 3 oko mbande syosĩ.

¹² Nʼenyũmba eyabya embere ahahigulawa oko luhande olũlolĩrye eyĩkwa yabya yʼemetere 37 obugali. Nʼolũhĩmbo lwʼenyũmba obunene bwalo bwabya metere 3 oko mbande syosĩ nʼobuli bwalo bwabya metere 47.

¹³ Neryo mwalenga eHekalũ obuli bwayo ini metere 52; nʼomwanya wʼaho, haguma nʼenyũmba, nʼesyombĩmbo syayo, obuli bwabyo ini metere 52.

¹⁴ Kandi obugali bwʼaho embere syʼeHekalũ, nʼobwʼomwanya oko luhande lwʼendata ini metere 52.

¹⁵ Neryo mwalenga obuli bwʼenyũmba embere wʼomwanya ahabya enyũma kuyo, haguma nʼenzira omo katĩkatĩ kʼoluhande olũ nʼoluhande lulya, ini metere 52; kandi mwalenga ekyumba kyʼomwisi wʼeHekalũ, nʼamasekũ wʼekibuga.

¹⁶ Amingiriro nʼamadĩrĩsa, awali kwʼebisayi nʼenzira eyĩtĩmbĩre oko mbande syosĩ oko manyũmba wayo asatu wʼendata, eyisirya oko nzeguliro ĩhalĩbĩre nʼebisayi oko mbande syosĩ, erĩtsũka oko kitaka erĩhĩka oko madĩrĩsa (nĩkwa amadĩrĩsa ĩnĩaswĩkĩre),

¹⁷ endata oko lũyĩ, erĩhĩka omo nyũmba mʼomwisi nʼeyĩhya, nʼoko lũhĩmbo oko mbande syosĩ omwisi nʼeyĩhya, omo lulengo.

¹⁸ Nasyo mosyabambwa mo makerũbĩ, nʼemiti yʼamabondo. Nʼobubondo buguma bwabya omo katĩkatĩ kʼobuli makerũbĩ, nʼobuli mũkerũbĩ abya nʼamũsũ abiri,

¹⁹ obũsũ bwʼomundu ĩbwalolya oko muti wʼobubondo oko luhande luguma, nʼobũsũ obʼomusuko wʼendale erĩlolya oko gundi muti wʼobubondo oko lundi luhande. Ko byabatsawa bitya omo nyũmba yosĩ oko mbande syosĩ.

²⁰ Erĩtsũka oko kitaka erĩhĩka endata oko lũkyo mohabatswa amakerũbĩ nʼemiti yʼamabondo. Nʼoko lũhĩmbo lwʼekyumba omwisi wʼeHekalũ molwabya lutya.

²¹ Esyonzeguliro syabya siringirirene. Nʼembere wʼahabũyĩrĩre, erisosa lyʼenzeguliro nguma lyabya ngʼerindi.

²² Ekiherero kyabya kisayi, obuli bwʼendata ini metere 2, nʼobuli bwakyo ini metere 2; esyonũnga syakyo, nʼendĩna yakyo, nʼesyombĩmbo syaho byabya byʼebisayi. Neryo mwabũga nage ati, Eyĩ ni mesa eyiri embere syʼOmwami Mukulu.

²³ Nʼekyumba kyʼeHekalũ kyʼomwisi, nʼahabũyĩrĩre byabya nʼesyonyũyĩ ĩbĩrĩ.

²⁴ Nʼobuli bʼolũyĩ bwabya nʼebisayi bibiri bibiri, ebisayi bibiri ebikabinduka. Ebisayi bibiri oko lũyĩ luguma nʼebisayi bibiri oko lundi lũyĩ.

²⁵ Nʼendata kusyo, oko syonyũyĩ syʼekyumba kinene kyʼeHekalũ habya habatsĩre amakerũbĩ nʼemiti yʼamabondo, ngoko yabatsawa oko syombĩmbo. Kandi habya enzeguliro yʼomuti aho mbere wʼobũsekũ bwʼeyĩhya.

²⁶ Kandi habya amadĩrĩsa awali kwʼebisayi nʼemiti yʼamabondo oko mũsĩke muguma nʼoko gundi mũsĩke, oko mĩsĩke yʼobũsekũ. Ebyumba byʼemĩsĩke yʼenyũmba, nʼesyonzeguliro ko byabya bitya.