Esyonyimbo 99 - AMASAKO ABOYTRTRE WA NYAMUHANGA AWAKAHULAWA MO BIBLIANyamuhanga, Omwami oyuli mukulu oko bosĩ 1 Omwami Mukulu ni Mwami, abandu bakatitimana; Ĩkere oko kĩtũmbĩ kiwe kyʼobwami omo katĩkatĩ kʼamakerũbĩ; Ekihugo kyikatenga-tengana. 2 Omwami Mukulu nĩ wʼobũtokĩ eSĩonĩ; Akatabalira ebihanda byosĩ. 3 Abosĩ basyapipa erĩna liwe ĩnene nʼeryʼolukengerwa lwʼobusinge. Naye abũyĩrĩre! 4 Uwe Mwami wʼobũtokĩ, wanzĩre ekitunganene, Wabiriretera Ĩsraelĩ erĩbanza libuya. Wabirireta eritunganene nʼeritindasombola abandu. 5 Mupipe Omwami Mukulu Nyamuhanga wetu; Mũramaye embere syʼekĩtũmbĩ kiwe kyʼobwami! Iye abũyĩrĩre! 6 Musa na Harũnĩ babya bahererĩ buwe babiri, Kandi Samwelĩ abya oyũkamũramaya; Mobalakira Omwami Mukulu, naye mwasũbĩryabo. 7 Mwabũga nabo omo ndũyĩ yʼekĩtũ; Mobowa emigambo nʼebihano ahabo. 8 Uwe Mwami Mukulu Nyamuhanga wetu, mowasũbĩrya abandu bawe; Mowakangyabo kʼuli Nyamuhanga oyukabuyira; Nĩkwa mowasuyirabo busana nʼebibi byabo. 9 Mupipe Omwami Mukulu Nyamuhanga wetu, Mũramaye oko kitwa kiwe kĩbũyĩrĩre! Kusangwa Omwami Mukulu Nyamuhanga wetu abũyĩrĩre. |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo