Esyonyimbo 98 - AMASAKO ABOYTRTRE WA NYAMUHANGA AWAKAHULAWA MO BIBLIANyamuhanga Omũtabalĩ wʼekihugo Olwimbo. 1 Mwimbire Omwami Mukulu Olwimbo luhya-luhya; Abirikola emyatsi yʼeriswekera! Abĩrĩkĩnda busana nʼobũtokĩ buwe nʼamaka wuwe abũyĩrĩre. 2 Omwami Mukulu abĩrĩkanganĩa erĩkĩnda liwe; Abĩrĩmĩnyĩsya Obũtokĩ buwe bwʼerĩlamya oko bihanda byosĩ. 3 Mwaberererya erilaga liwe oko bandu ba Ĩsraelĩ, Omo lwanzo luwe olutyusa, nʼeritindalegula liwe busana nabo; Abandu bosĩ ehosĩ babirilangira erĩkĩnda lya Nyamuhanga wetu! 4 Mwimbire Omwami Mukulu nʼobutseme, ekihugo kyosĩ; Mumupipe omo syonyimbo nʼobogo bwʼobutseme! 5 Mwimbire Omwami Mukulu eripipa omo syonanga; Muwate Olwimbo oko syonanga! 6 Omo syongubi nʼesyonyamulera, Mũte obogo nʼobutseme embere syʼOmwami Mukulu, Omwami wetu! 7 Engetsi, uhuhe, nʼesyonyama syosĩ esiri omwisi wawe; Nawe uwe kihugo, wimbe, nʼabosĩ abĩkere kukyo! 8 Ĩnywe ngetsi, mukangatire ebyala byenyũ; Nʼĩnywe bitwa, mwimbe haguma nʼobutseme embere syʼOmwami Mukulu, 9 Kusangwa akasa eritswera ekihugo! Asyatabalira abandu bosĩ bʼekihugo, Omo lĩbanza litunganene nʼeritindasombola abandu. |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo