Esyonyimbo 97 - AMASAKO ABOYTRTRE WA NYAMUHANGA AWAKAHULAWA MO BIBLIA

Nyamuhanga Omũtabalĩ oyũlabĩre abosĩ

¹ Omwami Mukulu ni mwami! Uwe kihu go utseme! Ĩnywe bitsira byosĩ byʼesyongetsi, mutsange!

² Ebĩtũ nʼomwĩrĩmya bĩkamũtĩmbako; Obwami buwe buhangene oko kitunganene nʼerĩbanza lyʼekwenene.

³ Omuliro akamutangirira, Nʼerĩhĩsya esyonzĩgũ siwe esĩmũtĩmbĩreko.

⁴ Erĩpalya liwe lĩkakoleraya ekihugo; Ekihugo kikalangiralyo, kikatitimana.

⁵ Ebitwa bikanyenyeta ngʼebisese embere syʼOmwami Mukulu, Embere syʼOmukama wʼekihugo kyosĩ.

⁶ Olubula lũkatũla omwatsi wʼeritunganene riwe, Nʼabandu bosĩ bakalangira olukengerwa luwe.

⁷ Abosĩ abakaramaya esyosanamu bakahemuka, Kandi abosĩ abakayihalamba omo syosanamu syabo; Esyonyamuhanga syosĩ syũname embere siwe.

⁸ Abandu bʼeSĩonĩ bakatsema, Emĩyĩ ya Yũda ikatsema, Busana nʼeritswera lyawe, uwe Mwami Mukulu!

⁹ Uwe Mwami Mukulu, Omũtokĩ Wʼebyosĩ, uli mũtabalĩ oko kihugo kyosĩ, Uli mukulu kutsibu kwilaba esyonyamuhanga syosĩ.

¹⁰ Omwami Mukulu anzĩre abandu abakakwa ebibi byʼobusu; Akahanganira engebe yʼabandu buwe, Akalamayabo oko maka wʼababi.

¹¹ Ekyakakala kĩkakoleraya abatunganene, Nʼobutseme buli oko babuya omo mutima

¹² Abosĩ abatunganene, mutseme, na nʼebyo Mwami Mukulu abirikola! Mwibuke ekyo Oyũbũyĩrĩre abirikola, nʼerimuha ewasĩngya!