Esyonyimbo 96 - AMASAKO ABOYTRTRE WA NYAMUHANGA AWAKAHULAWA MO BIBLIA

Nyamuhanga Omwami oyũlengĩre abosĩ

¹ Mwimbire Omwami Mukulu Olwimbo luhya-luhya! Ekihugo kyosĩ kyimbire Omwami Mukulu!

² Mwimbire Omwami Mukulu, mumupipe! Obuli kiro mũtũle Engulu Yowene ngoko abĩrĩtũlamya!

³ Erĩtũla omwatsi wʼolukengerwa luwe oko bihanda, Nʼemĩbĩrĩ yiwe yʼamaka oko bandu bosĩ.

⁴ Omwami Mukulu ni mukulu, atolere eripipwa kutsibu; Atolere eriubahwa kwilaba esyonyamuhanga syosĩ.

⁵ Esyonyamuhanga syʼebindi bihanda ni sanamu buyira, Nĩkwa Omwami Mukulu mwahangika olubula.

⁶ Olukengerwa nʼobukulu bwʼobusinge bĩkamũtĩmbako, Obukulu nʼebĩkangĩre biri omo Hekalũ yiwe.

⁷ Ĩnywe bandu bosĩ muna-kihugo, mupipe Omwami Mukulu! Mupipe olukengerwa nʼobũtokĩ bwʼomwami Mukulu!

⁸ Mupipe erĩna lyʼOmwami Mukulu lyʼolukengerwa, Mulete obuhere, mwase omo Hekalũ yiwe.

⁹ Mũname erĩramya Omwami Mukulu omo bubuya bwʼebĩbũyĩrĩre; Ekihugo kyosĩ kititimane embere siwe!

¹⁰ Mubwire ebihanda byosĩ, muti, Omwami Mukulu ni Mwami! Abirihanda ekihugo kyo ndeke omo mwanya wakyo, sĩkyangatũndwa; Asyatswera abandu bosĩ omo litunganene.

¹¹ Ekihugo nʼekyanya, mutseme! Uwe ngetsi, nʼesyonyama syosĩ esiri omwisi syawe, muhuhe!

¹² Ĩnywe malima, nʼebyosĩ ebiri mugo mutseme! Neryo emiti eyiri omo mũsĩtũ yasyimba busana nʼobutseme embere syʼOmwami Mukulu.

¹³ Kusangwa akahĩka eritabalira ekihugo Omo lĩbanza litunganene, kandi butsira erisombola.