Esyonyimbo 95 - AMASAKO ABOYTRTRE WA NYAMUHANGA AWAKAHULAWA MO BIBLIAOlwimbo lwʼeripipa 1 Mwase, tupipe Omwami Mukulu, Twimbire omũlemberĩ nʼomũlamya wetu nʼobutseme! 2 Twase embere siwe nʼewasĩngya, Nʼeriimba esyonyimbo syʼeripipa syʼobutseme! 3 Kusangwa Omwami Mukulu ni Nyamuhanga wʼobũtokĩ, Ni mwami wʼamaka kwilaba esyonyamuhanga syosĩ. 4 Akatabala oko kihugo kyosĩ, Omo myangalũ minene-minene, nʼoko bitwa biri-biri. 5 Akatabala oko ngetsi eyo ahangika; Nʼoko kitaka nibya ekyo abumba. 6 Mwase, tũname nʼerĩmũramya; Tũkũkame embere syʼOmwami Mukulu, Omũhangĩkĩ wetu! 7 Iye ni Nyamuhanga wetu, Ĩtwe tuli bandu abo akalembera, tuli ekĩhyo ekyo akalĩsaya. Mũnabwĩre mowe ebyo akabũga. 8 Sĩmũkalaye emitima yenyũ ngoko aboso-kulu wenyũ, ababya eMerĩba, Ngoko babya eMasa omo mbwarara ekiro ekyo. 9 Eyo abotata wenyũ banyirengako, nʼerĩnyĩsĩsĩrĩrya, Nomo banabya balangĩre ebyo nakolerabo. 10 Omo myaka makũmĩ ani monakwa abandu abo bo nye, Monabũga nyiti, Ni bandu bakatala ebiro byosĩ omo mitima yabo sibetaminya esyonzira syage! 11 Neryo monalahĩrya omwʼihitana lyage nyiti, Sibendisyingira omo kihugo ekyo aho nangaherebo eriluhuka. |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo