Esyonyimbo 94 - AMASAKO ABOYTRTRE WA NYAMUHANGA AWAKAHULAWA MO BIBLIA

Nyamuhanga nĩ mũtswerĩ Wʼebyosĩ

¹ Uwe Mwami Mukulu, uli Nyamuhanga oyũkakĩsaya; Ũkangaye erihitana lyawe!

² Uhangane, uwe mũtswerĩ wʼabandu bosĩ, Uhe abakayiheka ebitolerebo!

³ Uwe Mwami Mukulu, ababi basyatsema erĩtwĩryahi kwehĩ? Ko basyatwĩryahi kwehĩ?

⁴ Abakola-nabi basyayiheka erĩtwĩryahi kwehĩ? Nʼeriyihalamba busana nʼebitsibu byabo kwehĩ?

⁵ Uwe Mwami Mukulu, bakabũnanga abandu bawe; Bakanũbaya ekihanda kyawe.

⁶ Bakĩta abakwakalĩ nʼesyongũbĩ, Bakĩta ababunga abĩkere omo kihugo kyetu.

⁷ Bakabũga bati, Omwami Mukulu sialitulangira; Nyamuhanga wa Ĩsraelĩ sĩalĩrebaya!

⁸ Ĩnywe bandu bage, ko mukabya bakĩrũ muti kwehĩ? Ko mwasyiga kiro kyahi kwehĩ?

⁹ Nyamuhanga oyo wahangika amatwĩ wetu, sĩalĩowa kwehĩ? Kandi mwahangika ameso wetu, sialilangira kwehĩ?

¹⁰ Akahana ebihanda, siendisyasuyirabyo kwehĩ? Iye nĩ mũkangĩrĩrya wʼabandu bosĩ, sĩasĩ kwehĩ?

¹¹ Omwami Mukulu asĩ amalengekanĩa wʼabandu; Anasĩ erĩganĩrya lyabo ko litagasakĩ.

¹² Uwe Mwami Mukulu, obutseme buli oko mundu oyũkakangĩrĩraya, Nʼomundu oyũkakangĩrĩraya emigambo yawe,

¹³ Ukamuha erihumula oko biro byʼamalĩge, Erĩhĩka aho eyisinda yasyatakulirwa busana nʼababi.

¹⁴ Omwami Mukulu siendisyagana abandu buwe, Sĩendĩsyasĩganĩa ekihanda kiwe.

¹⁵ Erĩbanza lyasyaswabanika omwʼĩbũgĩro lyʼeritswera, Nʼabandu batunganene bosĩ basyahanganiralyo.

¹⁶ Nindi wanyihanganira erilwa nʼababi kwehĩ? Nindi wabya oko luhande lwage erilwa nʼabakola-nabi kwehĩ?

¹⁷ Kumbe Omwami Mukulu atalĩnyĩwatĩkaya, Kumbe nabirigenda lũba oko kihugo ekiyiherere.

¹⁸ Monabũga nyiti, Ngatoga; Nĩkwa olwanzo lwawe olutyusa, uwe Mwami Mukulu, molwanzĩgĩkĩrĩra.

¹⁹ Omugulu ngahandabũka nʼerĩkwa engitsi, Ũkanyĩsĩbĩkaya, nʼerĩnyĩtsemesya.

²⁰ Sũlĩrĩga abatswerĩ babi, Abakategeka omwaga ngʼebihano,

²¹ Abakayira embĩta yʼabandu babuya, Nʼerĩhĩra omusango wʼerihola oko bandu bate ko lubanza.

²² Nĩkwa Omwami Mukulu nĩ mwĩmĩrĩ wage; Nyamuhanga wage nĩ mũhanganĩrĩ wage.

²³ Asyasuyira ababi busana nʼobubi bwabo, Asyaheryabo busana nʼebibi byabo; Omwami Mukulu Nyamuhanga wetu asyatogotyabo.