Esyonyimbo 92 - AMASAKO ABOYTRTRE WA NYAMUHANGA AWAKAHULAWA MO BIBLIA

Kandi nasyalamyabo kwenene. Olwimbo lwʼeripipa

Olwimbo lwʼekiro kyʼeSabato.

¹ Lyowene ndeke eriha Omwami Mukulu ewasĩngya, Nʼeriimba erĩkũsĩkya uwe Nyamuhanga Wʼendata Kutsibu.

² Nʼerĩkanganĩa olwanzo lwawe olutyusa obuli ngyakya-ngyakya, Nʼerĩkanganĩa eritindalegula lyawe obuli kiro.

³ Oko nanga yʼemĩsĩsa ĩkũmĩ, haguma nʼenzenze, Haguma nʼomulenge owene wʼenanga.

⁴ Emĩbĩrĩ yawe yʼamaka, uwe Mwami Mukulu, ĩkanyĩtsemesaya; Ngimba nʼobutseme busana nʼebyo wabirikola.

⁵ Uwe Mwami Mukulu, emĩbĩrĩ yawe ni minene-minene! Amalengekanĩa wawe ni mali-mali!

⁶ Oyũ ni mwatsi omũkĩrũ siangatoka eriminya, Kutse omundu mutya-mutya siangatoka erĩganĩrya.

⁷ Ngoko ababi bakakula ngʼebiti, Nʼabakola-nabi bosĩ bakabana omugaso; Nĩkwa basyatogotĩbwa kutsibu,

⁸ Kusangwa uwe Mwami Mukulu uli mukulu endata oko bosĩ kera na kera.

⁹ Omwami Mukulu, tũnasĩ kwʼesyonzĩgũ syawe syasyahola, Kandi, kwʼabandu babi bosĩ basyakĩndwa.

¹⁰ Wabĩrĩnyĩhĩra kwʼamaka ngʼende yʼobulume eyĩkalĩre; Wabirinyitsumula omo butseme.

¹¹ Nabirilangira erĩkĩndwa lyʼesyonzĩgũ syage; Nabĩrĩowa emilake yʼababi.

¹² Abatunganene basyaboga ngʼamabondo; Basyakula ngʼemĩerezĩ yʼeLebanonĩ.

¹³ Bali ngʼemiti eyĩherĩre omo nyũmba yʼOmwami Mukulu, Eyikatumbururuka omo Hekalũ ya Nyamuhanga wetu.

¹⁴ Eyikaheta omo bukulu bwayo, Kandi ĩkĩnakalĩre nʼeriboga omo bikoma.

¹⁵ Ekĩ kĩkamĩnyĩsaya Omwami Mukulu kwʼali wʼerĩbanza litunganene; Omo mwĩmĩrĩ wage sihali oluhabo.