Esyonyimbo 91 - AMASAKO ABOYTRTRE WA NYAMUHANGA AWAKAHULAWA MO BIBLIA

Nyamuhanga Omũhanganĩrĩ wetu

¹ Oyukaya oko Wʼendata Kutsibu busana nʼobuholo, Kandi oyo wĩkere omo bũhanganĩrĩ bwʼOmũtokĩ Wʼebyosĩ,

² Akatoka eribwira Omwami Mukulu ati, Uli mwĩmĩrĩ wage, nʼomũhanganĩri wage! Uli Nyamuhanga wage; ngayiketera we.

³ Asyakubika kwenene omo buholo oko bwĩko obũkabĩsama,

⁴ Nʼoko syondwala esĩkaholaya; Asyakuswika nʼebĩpũpa biwe; Wasyabya nʼobuholo omwʼirembera liwe, Eritindalegula liwe lyasyakulembera nʼerikuhanganira.

⁵ Siwendisyubaha obwĩko omo kiro, Kutse eribambira omo musibo,

⁶ Kutse busana nʼendwala yʼakasũsũ akahĩka omo kiro, Kutse ebibi ebyo bĩkĩta omo musibo.

⁷ Eelfu nguma bangatoga hakũhĩ nawe, Nʼeelfu ĩkũmĩ ĩbakũtĩmbako, Nĩkwa sĩwendĩsyakwakĩ.

⁸ Wasyasamalira nʼerilangira omo meso wawe Ngoko ababi bakasuyirawa.

⁹ Kusangwa wayira Omwami Mukulu mo mwĩmĩrĩ wawe, Kusangwa mowayira Owendata Kutsibu, mo mũhanganĩrĩ wawe.

¹⁰ Ebĩkala-kalĩre sĩbyendĩsyakwĩta, Omwaga sĩendĩsyahĩka hakũhĩ nʼewawe.

¹¹ Nyamuhanga asyahamula abamalaĩka buwe erĩkũteya, Erikuhanganira ehosĩ ukaya.

¹² Basyakubagalira omo byala byabo, Ĩsĩwayĩhĩnda oko mabwe omo bisando byawe.

¹³ Wasyalyatanga oko syondale nʼesyonzoka, Wasyalyatanga oko syondale esĩkalĩre nʼesyonzoka esiwite obuti.

¹⁴ Nyamuhanga ati, Nasyalamya abo abanyanzĩre, Nasyahanganira abandu abo abanyasĩ.

¹⁵ Omugulu bakanyilakira, nasyasũbĩryabo; Omugulu bali omo bũlĩge, nasyabya haguma nabo. Nasyalamyabo nʼerĩsĩkyabo.

¹⁶ Kandi nasyahembabo nʼobuyingo buli,