Esyonyimbo 90 - AMASAKO ABOYTRTRE WA NYAMUHANGA AWAKAHULAWA MO BIBLIA

EKITABU KYʼAKANI (ESYONYIMBO 90—106) Erikota lya Nyamuhanga nʼebiro bike byʼabandu

Erisaba lya Musa omundu wa Nyamuhanga.

¹ Omwami Mukulu wabiribya aho tũkĩkala Omo syondengo syosĩ.

² Ebitwa bite byahangikwa, Kandi ute wahangika ekitaka nʼekihugo, Uli Nyamuhanga kera na kera, suli nʼenzũko kutse omũheryo.

³ Ukabwira abandu uti, Basube oko kyo babyako; Ukabindulabo eriswabya ekitaka.

⁴ Busana nawe emyaka elfu nguma (1,000) ni kiro kiguma; Iri nga mũlĩgolo, eyabirilaba, Iri ngʼakatambĩ kake omo kiro.

⁵ Ukatwala abandu ngʼerigunga lyʼamagetsi, bali ngʼerilota; Bali ngʼebiti ebikalasa omo ngyakya,

⁶ Ebikalasa nʼeriheta omo ngyakya, Neryo omwʼĩgolo bikuma nʼerihola.

⁷ Tũkaherĩbawa omwʼihitana lyawe; Erikarama lyawe lĩkatũbahaya.

⁸ Ũkahĩra ebibi byetu embere syawe, Nʼebibi byetu ebĩbĩsamĩre ũkahĩrabyo aho ukalangirabyo.

⁹ Ebiro byetu bikatwĩbawa omwʼihitana lyawe; Engebe yetu ikahwa ngʼebihwehwe.

¹⁰ Emyaka yetu nĩ makũmĩ alinda; Kutse twamabya nʼamaka iyabya makũmĩ munani; Nĩkwa ikatuletera amaganĩryo nʼobũlĩge; Neryo engebe ikahwa, itwagenda.

¹¹ Ko nindi oyo wasĩ Obũtokĩ bwʼerihitana lyawe kwehĩ? Nindi wasĩ eriubaha eryo erikarama lyawe lyangaleta kwehĩ?

¹² Ũtũkangĩrĩraye ngoko ebiro byetu biri bike,

¹³ Uwe Mwami Mukulu Wasyakolyahi ute watukebera kwehĩ? Uganyire abagombe bawe!

¹⁴ Ũtũgũtaye obuli ngyakya-ngyakya omo lwanzo lwawe olutyusa, Itwatoka eriimba nʼerĩyĩsyandira ebiro byetu byosĩ.

¹⁵ Ũtũtsemesaye ngoko watuha obũlĩge.

¹⁶ Ĩtwe bagombe bawe, uleke tulangire emĩbĩrĩ yawe yʼobũtoki. Uleke abana betu balangire Obũtokĩ bwawe bwʼolukengerwa.

¹⁷ Omukama Nyamuhanga wetu, obubuya bwawe bubye haguma netu, Utuhe omugaso omo byosĩ tukakola! Ega, utuhe omugaso omo byosĩ tukakola!