Esyonyimbo 88 - AMASAKO ABOYTRTRE WA NYAMUHANGA AWAKAHULAWA MO BIBLIA

Erilakira erĩwatĩkĩbwa

Oko mwĩmbĩrĩrĩ mukulu. Olwimbo lwʼenanga busana na Hemanĩ Omũezerĩ Olwimbo lwʼabagala ba Kora.

¹ Uwe Mwami Mukulu, Nyamuhanga, Omũlamya, ngalaka omo musibo gosĩ, Nʼomo kiro ngahĩka embere syawe.

² Wowe erisaba lyage: Uhulikirire erilaka lyage busana nʼerĩwatĩkĩbwa!

³ Amalĩge mangi abĩrĩmbĩkako, Nyiri hakũhĩ nʼeKũlĩmũ.

⁴ Nyiri ngʼabandi bosĩ abali hakũhĩ nʼerihola; Amaka wage gosĩ ahwere.

⁵ Namasĩganĩbwa omo katĩkatĩ kʼabaholĩ! Nyiri ngʼabĩtawa, abali omo masinda wabo, Abo wabiribirirwa kutsibu, Isibawite erĩwatĩkĩbwa ewawe.

⁶ Wabirinyigusa omo kyũna kyʼeyisinda, Omo mwĩrĩmya wʼobuhya buli.

⁷ Erihitana lyawe lyamanyĩrĩtohera, Kandi namabũnĩka omo bisunda byalyo.

⁸ Wabirireka abĩra bage ĩbanyĩsĩganĩa; Wabirireka ĩbanyĩkwa nye. Nabirikingirwa, isinditoka eribala.

⁹ Ameso wage ni molo busana nʼeriagalwa. Uwe Mwami Mukulu, ngakulakira obuli musibo; Ngasumba ebyala byage nʼerikusaba!

¹⁰ Ukakola ebitiko-tiko busana nʼabaholĩ kwehĩ? Bakahangana nʼerikupipa kwehĩ?

¹¹ Olwanzo lwawe olutyusa lukanahulawa omwʼisinda kwehĩ? Kutse eritindalegula lyawe likanahulawa ahʼeriherera kwehĩ?

¹² Ebitiko-tiko byawe bikakolawa ahali omwĩrĩmya kwehĩ? Kutse ebibuya byawe bikalolawako omo kihugo kyʼeritogota kwehĩ?

¹³ Uwe Mwami Mukulu, ngakubirikira erĩnyĩwatĩkya; Ngakusaba obuli ngyakya-ngyakya.

¹⁴ Uwe Mwami Mukulu, busana nakĩ ukanyigana kwehĩ? Busana nakĩ ũkanyĩbĩsama kwehĩ?

¹⁵ Erĩtsũka omo bwana bwage ngagalawa nʼeribya hakũhĩ nʼoluholo; Ngaluha busana nʼomuheke wʼerisuyira lyawe.

¹⁶ Erihitana lyawe lyʼerikarama likandengako, Kandi eribambira lyawe erĩkalĩre likanyigabula.

¹⁷ Bĩkanyĩtĩmbako ngʼerigunga lyʼamagetsi omo musibo gosĩ; Bikanyibambira omo mbande syosĩ.

¹⁸ Walekĩre abĩra bage banze ĩbanyĩsĩganĩa; Omwĩrĩmya abiribya mũlĩkyetu ĩgowene. Olwimbo omo mugulu wʼobũlĩge Olwimbo lwa Etana, Omũezerĩ.