Esyonyimbo 85 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisaba busana nʼerĩwatĩkya lyʼekihanda

Oko mwĩmbĩrĩrĩ mukulu. Olwimbo lwʼabagala ba Kora.

¹ Omwami Mukulu, wabirikolera ekihugo kyawe kyʼebibuya. Wabiriha Ĩsraelĩ omugaso kandi.

² Wabiribuyira ebibi byʼabandu bawe, Nʼeribuyira amalolo wabo gosĩ.

³ Wabĩrĩũmbya erihitana kubo, Kandi Wabirireka erikarama lyawe.

⁴ Uwe Nyamuhanga Omũlamya wetu, utubindukire, Kandi gũmbaye erituhitanako!

⁵ Wasyatuhitanako kera na kera kwehĩ? Erihitana lyawe sĩryendĩsyũmbya na kera kwehĩ?

⁶ Kĩsĩ-kĩsĩ ũsũbaye amaka wetu; Netu, ĩtwe bandu bawe, twasyakupipa.

⁷ Uwe Mwami Mukulu, ũtũkangaye olwanzo lwawe olutyusa, Kandi utuhe erĩwatĩkya lyawe erĩkalamaya.

⁸ Nyĩnemowa ebyo Nyamuhanga Omwami Mukulu akabũga; Akabũga Obuholo kwĩtwe, abandu buwe nʼabagombe buwe, Twamatendisuba omo bũkĩrũ bwʼesyonzira syetu.

⁹ Kwenene asĩkĩre erĩlamya abakamukenga, Nʼolukengerwa luwe lũsĩgale omo kihugo kyetu.

¹⁰ Olwanzo nʼeritendiregula byasyahĩndana haguma; Ekitunganene nʼobuholo byasyahĩndana.

¹¹ Eritendiregula lyʼomundu lyasyayisumbira endata erĩlũa oko kihugo, Nʼeritunganene lya Nyamuhanga lyasyakebera eyĩkwa erĩlũa elubula.

¹² Omwami Mukulu asyatuha omugaso, Nʼekitaka kyetu kyasyerya ebyalya bingi.

¹³ Ekitunganene kyasyalaba embere syʼOmukama, Nʼerihala enzira busana naye.