Esyonyimbo 84 - AMASAKO ABOYTRTRE WA NYAMUHANGA AWAKAHULAWA MO BIBLIA

Olukando lwʼenyũmba ya Nyamuhanga

Busana nʼomwĩmbĩrĩrĩ mukulu. Olwimbo lwʼenanga. Olwimbo lwʼabagala ba Kora.

¹ Uwe Mwami Mukulu Wʼemilondo, Nyanzĩre eHekalũ yawe yo ndeke!

² Omutima wage anzĩre eribyayo, ngakwa olukando lwʼebibuga byʼeHekalũ yʼOmwami Mukulu. Omutima wage nʼomubiri wage gosĩ bikimba nʼobutseme uku Nyamuhanga oyuliho.

³ Kandi ekiswiri kĩkahĩmba Olutu, Nʼesyondambira siwite esyonyũmba syasyo aho sikalemberera ehyana hyasyo. Hakũhĩ nʼebiherero byawe, Uwe Mwami Mukulu Wʼemilondo. Uwe Mwami wage, na Nyamuhanga wage.

⁴ Obutseme buli nʼabo abĩkere omo Hekalũ yawe, Ibakimba erikupipa emigulu yosĩ!

⁵ Obutseme buli nʼabandu abakabana maka wabo ukʼuwe, Bakakwa omũhwa wʼolugendo lwʼeriya oko kitwa kyʼeSĩonĩ.

⁶ Omugulu bakalaba omo musya ogũmĩre Akabya ahali esyongũnũnũko; Nʼembũla yʼerĩmbere ĩkũsũlayaho mo bitsinga byʼamagetsi.

⁷ Amaka wabo akakanya omugulu bakagenda; Basyalangira Nyamuhanga wʼesyonyamuhanga eSĩonĩ!

⁸ Uwe Mwami Mukulu Nyamuhanga Wʼemilondo, wowe erisaba lyage; Uhulikirire, uwe Nyamuhanga wa Yakobo!

⁹ Uwe Nyamuhanga, utsumule omwami wetu, Omwami oyo wabiriyisoga!

¹⁰ Ekiro kiguma omo Hekalũ yawe, kyowene kwilaba ebiro elfu ehandi; Nyanzĩre erihangana oko lũkyo lwʼenyũmba ya Nyamuhanga wage, Kwilaba erĩĩkala omo manyũmba wʼababi.

¹¹ Kusangwa Omwami Mukulu Nyamuhanga nĩ mũhanganĩrĩ wage, nʼomwami wʼolukengerwa, Omwami Mukulu akatutsumula nʼobubuya nʼerĩsĩkya. Sialikaga ekindu nʼekiguma kibuya oko bakakola ebitunganene.

¹² Uwe Mwami Mukulu Nyamuhanga Wʼemilondo; Abakayiketera we ni bʼobutseme!