Esyonyimbo 81 - AMASAKO ABOYTRTRE WA NYAMUHANGA AWAKAHULAWA MO BIBLIA

Olwimbo busana nʼebiro bikulu

Busana nʼomwĩmbĩrĩrĩ mukulu. Olwimbo lwʼenanga. Olwimbo lwa Asafũ.

¹ Mwimbire Nyamuhanga oyukatulwira nʼomulenge wʼobutseme; Mwimbe eripipa uku Nyamuhanga wa Yakobo!

² Musumbe Olwimbo, muwate esyonzebe, Enanga yowene, nʼenzenze.

³ Mubuhe esyongubi oko mukera muhya-muhya, Mubuhe esyongubi oko mugenda agoma, oko kiro kyetu kikulu.

⁴ Kusangwa oyũ ni mugambo busana na Ĩsraelĩ, Ni kilayiro kya Nyamuhanga wa Yakobo!

⁵ Mwategekakyo oko bandu ba Ĩsraelĩ, Omugulu ayalwa nʼekihugo kyʼeMĩsĩrĩ. Ngowa omulenge ndasĩ akabũga ati,

⁶ Monalũsya emiheke ĩrĩtohĩre oko migongo yenyũ; Mobaleka ĩmwĩkya ebitiri byenyũ byʼomũbĩrĩ,

⁷ Omugulu mwabya omo bũlĩge momwanyilakira, nage monabalamya. Aho nabĩsama omo kihunga-hunga, monakũsũbĩrya; Monakulengako oko sĩsoko syʼeMerĩba.

⁸ Abandu bage, muhulikirire erihana lyage; Uwe Ĩsraelĩ, kumbe mukanyihulikirira!

⁹ Simwangakolera enyamuhanga yʼehandi, Kandi sĩmwangaramya ogundi ate ĩngye.

¹⁰ Ingye indi Mwami Mukulu, Nyamuhanga wawe, Oyo wakũlũsaya omo kihugo kyʼeMĩsĩrĩ. Ũkũmbũle obuno bwawe, nage ngandĩkũlĩsya.

¹¹ Nĩkwa abandu bage mobagana erinyihulikirira; Ĩsraelĩ mwagana erĩnyowa.

¹² Kyaleka inahabo erikwama esyonzira syabo esĩkalĩre, Nʼerikola ngoko banzĩre.

¹³ Kumbe abandu bage bakanyihulikirira; Kumbe banzĩre erĩnyowa!

¹⁴ Nangakĩndĩre esyonzĩgũ syabo syosĩ.

¹⁵ Abakakwa Omwami Mukulu obusu bangũnamĩre embere syage nʼeriubaha; Nʼerisuyira lyabo lyangakota,

¹⁶ Kumbe nangabalĩsya engano eyowene kutsibu, Nʼerĩbũgũtya omo buki bwʼomolĩ.