Esyonyimbo 80 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisaba busana nʼerĩsũbya ekihanda

Oko mwĩmbĩrĩrĩ mukulu. Busana nʼamaranga wʼomolĩ Erĩtũlago. Olwimbo lwa Asafũ.

¹ Uwe Mũlĩsya wa Ĩsraelĩ, utuhulikirire, Uwe wĩkere omo katĩkatĩ kʼekĩtũmbĩ kyawe oko Makerũbĩ,

² Ũkangaye olwanzo lwawe busana nʼebihanda bya Efũraĩmũ, na Benyamĩna, na Manase! Ũtũkangaye amaka wawe; wase ũtũlamaye!

³ Uwe Nyamuhanga, ũtũsũbaye! Ũtũkangaye olwanzo lwawe, netu twasyalamĩbwa!

⁴ Uwe Mwami Mukulu, Nyamuhanga Wʼemilondo, Wasyatwĩryahi erihitanira erisaba lyʼabandu bawe kwehĩ?

⁵ Wabirituha erirya emĩsonĩa; Wabirituha olũtehĩ lunene lwʼemĩsonĩa erĩpũlyayo.

⁶ Ukaleka ebihanda byʼahakũhĩ erilwira ekitaka kyetu, Nʼesyonzĩgũ syetu sikatuseka.

⁷ Ũtũsũbaye, uwe Nyamuhanga Wʼemi­londo! Ũtũkangaye olwanzo lwawe, netu twasyalamĩbwa!

⁸ Mowaleta omũlĩkĩ wʼebĩnyũ ũkalũsyago eMĩsĩrĩ; Mowahiga ebindi bihanda eyĩhya, nʼeriherago omo kihugo kyabo.

⁹ Mowasurirago, uti alase; Nago mwahanda emĩrĩhĩ, neryo mwayisanza oko kihugo kyosĩ.

¹⁰ Omũlĩkĩ oyo mwaswika ebitwa omo kyũtũtũ kyago, Emitahi yago moyaswika emĩerezĩ minene-minene.

¹¹ Mwasanza emitahi yago erĩhĩka oko ngetsi yʼeMedĩteranĩa, Nʼerĩhĩka oko Lũsĩ lwʼeEfũratĩ.

¹² Busana nakĩ wabĩrĩbũnanga ebĩyĩte ebĩtĩmbĩre kugo kwehĩ? Lino abosĩ abakalabaho bakatoka erĩĩba ebĩgũma byago.

¹³ Eyĩsenge yʼomolĩ ikalyatangago, Nʼesyonyama syʼomolĩ sikalyago.

¹⁴ Uwe Nyamuhanga Wʼemilondo, utukebere! Utukengemerere ahisi, inune elubula, Wase ũlamaye omũlĩkĩ wʼebĩnyũ wawe!

¹⁵ Wase, ũlamaye omũlĩkĩ ogo wahera, Omũlĩkĩ oyũ, iwe waleka inialasa ndeke!

¹⁶ Esyonzĩgũ syetu syabĩrihĩsyago omo muliro nʼerikonderago ahisi; Usamalirebo omwʼihitana, ũherayebo!

¹⁷ Uhanganire nʼerirembera abandu abo wabiriyisoga, Uhanganire ekihanda ekyo waleka ikyahangana nʼamaka!

¹⁸ Sitwendisyakutswako kandi, Uleke tubyeho, netu twasyakupipa.

¹⁹ Uwe Mwami Mukulu, Nyamuhanga Wʼemilondo, ũtũsũbũlaye kandi! Ũtũkangaye olwanzo lwawe, netu twasyalamĩbwa!