Esyonyimbo 8 - AMASAKO ABOYTRTRE WA NYAMUHANGA AWAKAHULAWA MO BIBLIA

Olukengerwa lwʼOmwami Mukulu nʼebibuya byʼabandu

Oko mwĩmbĩrĩrĩ mukulu: oko wʼesyonzebe. Olwimbo lwa Dawĩdĩ.

¹ Uwe Mwami Mukulu, Mukama wetu, Erĩna lyawe ni ribuya kutsibu omo kihugo kyosĩ! Olukengerwa lwawe wabĩrĩhĩralo endata oko lubula!

² Omwʼipipa lyʼabana balere, nʼesyomekeke wabiriyira maka, Busana nʼesyonzĩgũ syawe, Iwatoka erĩbondererya esyonzĩgũ nʼomũkĩsya.

³ Omugulu ngasamalira olubula lwawe, omũbĩrĩ wʼeminwe yawe, Nʼomukera nʼesyongũnũnũ, ebyo wabĩrĩhĩra aho wabyo;

⁴ Ko mundu nĩkĩ kwehĩ? Uti ukamwibuka kwehĩ? Nʼomwana wʼomundu nĩkĩ kwehĩ? Uti ukamulembera kwehĩ?

⁵ Nĩkwa wabirimuyira mo muke ukʼuwe musa, Kandi wabĩrĩmũsĩngya omo lukengerwa nʼerĩsĩkya lyʼOmwami.

⁶ Wabirimuyira mo mũtabalĩ oko myatsi yosĩ wahangika, Wabĩrĩmũhĩra endata oko myatsi yosĩ;

⁷ Esyombũlĩ syosĩ nʼesyonde, Ega, nʼesyonyama syʼomolĩ,

⁸ Nʼesyonyonyũ syʼekyanya, nʼamahere wʼengetsi, Nʼesyonyama syosĩ esiri omo syongetsi.

⁹ Uwe Mwami Mukulu, Omukama wetu, Erĩna lyawe ko liri ibuya kutsibu litya omo kihugo kyosĩ!