Esyonyimbo 75 - AMASAKO ABOYTRTRE WA NYAMUHANGA AWAKAHULAWA MO BIBLIA

Nyamuhanga omũtswerĩ

Oko mwĩmbĩrĩrĩ mukulu. Busana nʼenanga iti sũheraye. Olwimbo lwa Asufũ.

¹ Tũkatũlago uwe Nyamuhanga, tukakupipa! Tũkatũlago ngoko uli mukulu, Abandu bakakanaya emyatsi yʼeriswekera eyo wabirikola!

² Nyamuhanga ati, Nabĩrĩhĩra omugulu wʼeritswera, Kandi nasyatswera omo lĩbanza litunganene.

³ Nomo ekihugo nʼesyondũlanĩ syakyo byangabulirayo, Nasyasĩkya ebibanza byakyo bĩsĩke.

⁴ Ngabwira abakayiheka, nyiti sibayihalambe, Kandi ngabwira ababi nyiti, sibayihagate.

⁵ Ngabwirabo nyiti, baleke erĩyĩkokolomya, Kandi baleke erĩyĩsĩkya.

⁶ Eritswera sĩrĩrĩũa eyo eryuba likasira kutse eyo likalengera, Kutse oko Lutambi lwʼEyĩkwa, kutse Olutambi lwʼEndata.

⁷ Nĩkwa ni Nyamuhanga oyukatswera, Ĩnĩakahĩra abandi ahisi, nʼerisumba abandi.

⁸ Kusangwa hali olũtehĩ omo byala byʼOmwami Mukulu, Ĩmoswĩre ebĩnyũ, ebĩkalĩhĩre; Akũtabyo, nʼababi bosĩ bakapũlayabyo;

⁹ Nĩkwa ĩngye sindiendĩsyũmbya eriahula Nyamuhanga wa Yakobo, nʼerimwimbira eripipa.

¹⁰ Akandĩsyatwa Obũtokĩ bwʼababi; Nĩkwa Obũtokĩ bwʼabatunganene bwasyakanya.